Самира Янмурзаева Терекли-Мектеб авылынынъ Кадрия атындагы мектебинде окыйды. Ол ясамага бек суьеди, янъыларда Сраждин Батыров атындагы саниятлар мектебининъ художестволык боьлигин битирди. Самира оьз тувган ерин ясамага суьеди, онынъ художестволык мектебиндеги биринши суьврети – тувган уьйи эм онынъ алдындагы сокпак. Оьз халкын, онынъ аьдетлерин сыйлайды кызалак. Бай ногай маданияты Самирага ясамага демевлик береди. Онынъ «Шоьлде язлык» деген картинасы Махачкала каласында Савлайроссиялык конкурсында коьрсетилген эм яс суьвретши III дережели дипломга тийисли болган. Самира юрек телезуьви мен тагы да бир баргысы акында хабарлайды, сол савкат ога эм онынъ аьелине бек баалы. Самира орыс тили эм адабиятынынъ окытувшысы Маржанат Толеген кызы Мавлимбердиевадынъ етекшилеви астында «Бизим заманнынъ баьтирлери» деген республикалык конкурсында катнаскан эм уьшинши орынды алган. Самира яратувшылык исин оьзининъ нагашакасы Алибек Динибек увылы Шамсудиновка багыслаган, ол СВО еринде Аталыкты коршалап, йигитлерше ян берген. Самира нагашакасы акында хабары ман аьелининъ оьктемлигин коьрсетеди.

 Г.Бекмуратова.