Махачкаладынъ Дослык Уьйининъ майданында ДР Оькиметининъ Председатели Абдулмуслим
Абдулмуслимов Беларусь Республикасынынъ делегация агзалары ман йолыгысты. Делегацияды
«Беллепром» концернин председатели Татьяна Лугина басшылаган. Конакларды хош коьрип алып,
ДР премьер-министри Абдулмуслим Абдулмуслимов йылдынъ басында дагестан делегациясы
Беларусь Республикасында барганын белгиледи, мундагы калалар эм предприятиелер етекшилерининъ катнасувы ман коьп шаралар озгарылганын, сонынъ ишинде дагестан делегациясы кайбир промышленный предприятиелеринде болып кеткенди эске алды.
Премьер-министр бу республикада Дагестан уьшин келеекте пайдалыгы тиеек партнерлардынъ бириси мен етимисли эм эки де якка пайда аькелмеге болаяк онъайтлы байланыслар тутылаягына сенимлигин билдирди.