Янъыларда Дагестан Республикасында ис
визити мен СКФО еринде Россия Президентининъ толы ыхтыярлы ваькили Юрий Чайка болды. Биринши болып ол Дагестан Республикасынынъ аькимбасынынъ куллыгын
юритуьвшиси Федор Щукин ман йолыгысты.
Мунда республикада болып турган аьллери, миллет эм инвестиционлык проектлерди
яшавга шыгарувы акында айтылды. Регионда болган баьле-казага карамастан, республика бас коьрсетуьвлер бойынша бириншилердинъ сырасында экени белгиленди.
Ис визити барысында Юрий Чайка Дагестан яшавшыларына Разылык хатлар тапшырды. Республикадынъ ямагат-политикалык эм
социал-экономикалык оьрленуьвине салган
салдарлы уьлиси, йогары кеспилик эм коьпйыллык кайратлы иси уьшин окытувшылар С.Сефибеков, Н.Исакова, токарь М.Гамдулов,
медицина куллыкшылары С.Азизова, М.Гусейнов белгилендилер.
Солай ок Юрий Чайка Дагестанда аьдеттен тыс аьллердинъ калдыкларын тайдырув соравлары бойынша кенъес озгарды. Йыйында Дагестан Республикасынынъ аькимбасынынъ куллыгын юритуьвшиси Федор Щукин,
премьер-министри Магомед Рамазанов, МЧС, министерстволар эм ведомстволар етекшилери катнастылар. Юрий Чайка язлыкта болган баьле-каза аькелген зыянды айтты, энъ де
кыйынлы 6 аьдемнинъ, олардынъ уьшеви – балалар, оьлгени болганын белгиледи.
– Бу кыйынлык власть органларына айырым яваплылык салады, оьлгенлердинъ аьеллерине заманында эм толысынша коьмек этилинмеге керек. Владимир Владимирович бир
неше кайта мундай аьллерде бас борыш деп инсанлардынъ ден савлыгын эм яшавын кор-
шалавды, солай ок олардынъ муьлк ыхтыярларын кебине келтируьвди санав керегин бел-
гилеген, – деди Юрий Чайка.
Республикалык властьлери мен куткарув эм кебине келтируьв ислер юритилген.
Заманында 11 мынъ аьдем каза болып турган ерден шыгарылган, яшавшыларга социаллык коьтергишлев ислери уйгынланган. Дагестанга керекли ярдам федераллык орталыгы ман этилинеди.
Тек янъыларда да баьле-каза тагы да оьз акында билдирди. Тав эм тавдынъ туьбиндеги районларда бузылувлар болдылар. Сол болып турган аьллер акында толы кепте ДР
аькимбасынынъ куллыгын юритуьвшиси Федор Щукин айтты. Ол аьли баьри куьшлер
де зыян келтирилгенлерге акша яктан коьмек этилинуьвге каратылганын эм бузылган
ерлерде ярастырув ислер юритилип турганын белгиледи.
– Зыян келтирилген районларга специальли ис куьби барады, ол этилинип турган куллыкты тергейди, – деди Федор Щукин.
ДР Оькиметининъ председатели Магомед Рамазановтынъ айтувы ман, федераллык эм
республикалык дережеде алынган токтасларга коьре, янъы окув йылынынъ басына аьзирлик коьрмеге эм 1-нши сентябрьге окувшыларды окытпага амаллар бар.
Йылгаларды тазалав эм ягаларды беркитуьв ислери акында ДР экология эм табиат ресурслар министрининъ куллыгын юритуьвши Ратмир Расулов билдирди. Кенъес
сырагылары бойынша тапшырувлар берилди, олардынъ толтырылувы тергелип тураягы белгиленди.
Гульфира Бекмуратова.
Суьвретте: йолыгыс барысында.