Янъыларда, Аьел, суьйим эм алаллык куьнинде Ногай район етекшиси Джамалутдин Эсиргепов эм район Депутатлар Йыйыйынынъ председатели Алибек Менласанов БатырМурза авылыннан эрли-хатын Адильхан эм Дамехан Сабутовлар пан йолыгыс озгардылар.
Бу аьел бир неше савгалар ман белгиленди: ДР Ис эм социаллык оьрленуьв министрининъ куллыгын кесек
заманга толтырувшы М.Кихасуровтан – грамота ман, Ногай район администрациясынынъ аькимбасы Джамалутдин Эсиргеповтан – «Суьйим эм алаллык» медали эм Сый грамота ман.
Савгалар шатлыклы аьлде район етекшисининъ кабинетинде тапшырылды. Сонъ, сыпыра тоьгерегинде
тостакай шай ишуьв янга якын йылы  аьлинде хабарласувды бардырып, Джамалутдин Эсиргепов Сабутовлар
аьелине йолыгыска келгенлери уьшин разылыгын билдирди, берк ден савлыкты эм биргелесте узак яшав оьмирин суьруьвди йорады.
Адильхан эм Дамехан Сабутовлар район етекшилери ягыннан сондай сый-оьрмет этилгени уьшин ак юреклик разылыкларын билдирдилер.
Сондай йолыгыслар тек савгалар тапшырувга тувыл, шынтылай хабарласпага, аьел тарихлерин эситпеге эм
ямагаттынъ бас баалыкларын оьз коьрими мен беркитетаганларга разылык билдирмеге себеплигин тийгистеди.
З.Ваисова.