Шилле айынынъ 11-нши куьнинде Кизляр районынынъ Аверьяновка авылында Балыкшыдынъ куьнине
багысланган шатлыклы шара йогары аьлде байрамшыланды. Бу Дагестан Республикасынынъ балык хозяйствосы бойынша комитети эм «Каспрыба» балык хозяйстволык предприятиелер ассоциациясы коьтергишлеви бойынша онъайлы аьрекети мен байланыслы ярык оьзгерис аьр кимге де шынты байрам болды. Кизляр районынынъ администрация аькимбасы Аким Микиров, ДР Балык хозяйствосы бойынша
комитетининъ председатели Хадижат Шамхалова, сол ок Комитетининъ председателининъ биринши орынбасары Шамиль Магомедов, Комитет председателининъ орынбасары Гасан Карсаков, юзим эм
спиртли ишимликлерди бир кепке салув бойынша комитетининъ председатели Шериф Керимханов эм сондай баскалар байрамнынъ сыйлы конаклары болдылар. «Яблонька» йырлар орыс халк ансамблининъ артистлери келген конакларын оьтпек, туз эм куванышлы йырлар ман хош алдылар. Биринши
болып йыйылганлар алдында хошлав соьзи мен муниципалитет аькимбасы Аким Микиров шыгып соьйледи.
Туьрли номинациялар бойынша Сый грамоталар, баалы баргылар эм эстеликли ленталар ман балык хозяйствосынынынъ тармагы бойынша 28 баскаланган ваькиллери белгилендилер.
Кизляр районынынъ яратувшылык ис коллективлерининъ, Аверьяновка авыл маданият эм ял алув орталыгы йырлавшыларынынъ йырлавында анъ эм йыр номерлери эм биювлери байрамга коьнъил костылар. Кизляр эм
Тарумовка районларынынъ Кизляр Казак ямагатларынынъ азбарларында ашамага суьйгенлерге шынты ашхана аслары аьзирленген эди.
Конаклар уьйкен аваслык пан Кизляр районынынъ сыйлы гражданини Газимагомед Газимагомедовтынъ даьмли асларыннан (плов, балык сорпасы, таьтли боьреклер эм сондай баска аьзирленген зияпетлер) татпага амаллары болдылар.
Ийгилер туьрли номинацияларда ДР Балык хозяйство бойынша комитети атыннан сертификатлар эм баалы савкатлар ман белгилендилер.
Суьвретте: шарадан коьринис.