Язлык – ол табиаттынъ ярасык, сылув мезгили.
Язлыктынъ аьр айы, оьз аьдуьвлигин, баьрине де тап савгадай, коьрсетеди. Навруз айда ясыл оьлен шыгады, (ясыл от деп айтылады халкта), а энъ биринши шешек – ол шаьбден, коькек айда басланады тереклердинъ «ак ямгыры» – буьрленеди тереклер ак, кызыл шешекейлер мен, курал айда авлакта боьригоьзлер кызыл оттай кызарып коьздинъ явын алады. Кертилей де, язлык дуныядынъ энъ аьлемет эм сылув шагы болады. Сувык карлы, бузлаткан кыстан сонъ язлыктынъ келуьви бизге аьруьв байрамдай болады, коьзимизде – куваныш, юрегимизде рахатлык эндиреди.
Я.Дильманбетова. Россия Язувшылар союзынынъ агзасы.