Дагестанда 2026-ншы – Россия халкларынынъ Бирлик йылы барысында 45-тен артык оьзгерислер оьтти. Дагестан Аькимбасынынъ куллыгын кесек заманга толтырувшы Федор Щукин: «Буьгуьн уйгынлав комитетининъ агзалары ман биргелесте юритилген куллыклардынъ аралык сырагыларын келтирдик: оьлшеми, теренлиги, эм, энъ маьнелиси, бу шаралардынъ ак ниетли аьллерде оьткени коьрсеткенлей, республика бирлиги – ол байрам лозунгы тувыл, а тынышлыктынъ эм ийги яшавдынъ коьп оьмирлер бойы туьзилген негизи экени аян. Бизим маданиятымызды, тиллерди, аьдет-йорыкларды эм ашык коьнъиллигимизди республика тысында да бааладылар. Авыр ава шартлары эм коьп ямгырлар ман байланыста республикада туьзилген аьллер бизим планларымызга оьз ягыннан туьрленислер киргистти, ама соны ман бирге олар энъ маьнелиди коьрсеттилер: сол авыр вакытта бирев де шеттен карап турмады – бир-бирисин колтыклав эм ярдам этуьв деген кагытта тувыл, исте коьринип, аьдемлердинъ аян бирлигин белгиледилер. Бирлик йылы бизге тек календарьлик шара тувыл, а маьнелиги бар яшав сынавы болды. Алдыда яваплы эм коьп оьзгерислерге бийленген шак – кырк кийик айы. Бизди уллы шаиримиз Расул Гамзатовтынъ тувган куьни мен рас болып озгарылатаган Россия халклар тиллерининъ эм Дагестан халкларынынъ Бирлик куьнлери куьтедилер. Бу эстеликли куьнлерге артык эс каратув ман аьзирлик коьремиз, неге десе савлай элимизден конакларды куьтемиз. Планланган баьри оьзгерислерди йогары уйгынлав дережеде озгараягымызга эм салынган борышларды тийислисинше толтыраягымызга шекленмеймен.