Буьгуьнлерде согыс спецопера-
циясы юрип турган ерлердеги япсарларда Элимиздинъ дазувын саклап, аьскершилик борышларын толтыратаган ердеслеримиз де аз тувыл. Сон-
дай парыз да бек яваплы деп саналады, неге десе согыс аьллеринде душпан кайзаман эм каерден шыгып
калаягын айтув кыйынлы. Соьйтип бу ясларымыз СВО ерине йиберилмеселер де, оьз аркалары ман аьлиги заманларда патшалык межелерин, бизим баьримизди де ябып турадылар. Соларда дав иси юритилмесе де,
аьллер мунда да енъил тувыл.
Бизим бир яс ердесимиз, Иван
Чернев, 2023-2024-нши йылларда Аьскер сырасында тап сондай маьнели борышты толтырган. Ол 2004-нши
йылда Ямало-Ненец округынынъ Уренгой каласында тувган. Экинши эм доьртинши классларды Терекли-Мектеб авылдынъ Кадрия атындагы
орта мектебинде окыган. Сонъында ол мектебти Уренгой калада окып кутарган. Сондагы Урал регионаллык ерли колледжине окувга туьсип, про-
граммист ис кесписин алган.
2023-нши йылда ясларды аьскерге куьзги шакырув шагында оны да Савытлы куьшлер сырасына куллык
этуьвге шакырадылар. Бас деп Иванды пехотадынъ окув боьлигине, бир айдан сонъ, зениткалар окув боьлигине йибергенлер. Мунда ол «Тунгу-
ска» деп аталган зенитка алатынынъ механик-водители кесписине уьйренеди.
Соны кутарганда оны Воронеж
областиндеги аьскер боьликлердинъ бирисине куллык этпеге йибередилер.
Сонда эки юма согыс аьзирлигин оьткен сонъ, оны Украина ман Белгород
области арасындагы патшалык япсарды саклавга еткередилер. Соны ман ол мундагы мотострелковый батальо-
нынынъ штурмовой взводына туьседи. Взвод япсар бойындагы ерлерди
эм ава бийиклигин явдынъ беспилотниклериннен тергев исин юриткен.
Бу яклары Россиядынъ япсарла-
ры болса да, Украинага ювык болганлыктан, неонацистлер беспилотниклерин йиберуьвин, аьдемлерге карап ракеталардан, топлардан атув-
ларын бир куьн де коймаганлар эм аьли де коймайдылар. Сол йыл укронацистлер конъысы Курск областининъ межелерин оьтип, сондагы бир кесек авыл-калаларды бийлейдилер.
Сол куьнлерде Иван да душпан куьллесиннен яраланады.
Ис булай болган. Иван оьз йолдасы ман бирге бир куьнлердинъ бирисинде япсарды саклавшылар нарядында караул исин юритип туры эди. (Караул исин юритуьв – ол согысборышты толтырув деп Уставта язувлы).
Анъсыздан блиндаж уьстине явдынъ дроны атылув югин таслайды. Сол атылувдан ядра кесеклери ян-якка
шашырайдылар эм бириси Иваннынъ колына, экиншиси – аягынынъ тизине тиедилер.
Яралы аьскершиди ал деп Белгородтагы госпитальге яткарадылар, сонда бир ай эмленген сонъ, оны
Воронеждеги госпитальге йибередилер. Бу калада да бир айга ювык заман эмленип, ол отпускка кайтады. 2024-нши йылдынъ куьзинде аьскер боры-
шынынъ болжалы кутылып уьйине келеди.
Аьлиги заманда Иван ата-анасы
ман бирге Уренгой калада яшайды эм ислейди. Тезден ога согыс аьрекетининъ ветераны деген шайытлама
тапшырылаяк. Сол зат ога СВО катнасувшылары алатаган льготаларын алувга тенъ ыхтыяр береек. Буьгуьнлерде ол анасы ман бирге Терекли-Мектебтеги уьйине ис отпускка келген. Онынъ анасы Залина Агаспарова – ногай, атасы Игорь Чернев – гагауз миллетли.
…Россиядынъ патшалык япсар-
лары. Тынык океаннан алып Арктикадагы Сырт-Буз океаны, Баренцево, Балтика, Кара, Каспий тенъизлери
бойлары ман кубыладагы Азербайджан, Казахстан, Оьзбекистан, Китай
Халк Республикасынынъ межелери мен ювыкласып оьтедилер уьйкен элимиздинъ кенъ кырларынынъ шетлери. Солардынъ аьр бир шакы-
рымын явдан сенимли кепте саклаганлар эм саклайдылар Иван Черневердесимиздей россия аьскершилери.

М-А.Ханов.

Суьвретте: Иван Черне Аьскер сырасында заманда.