ДР-нынъ Миллет политика эм дин ислери бойынша министерствосынынъ куллыкшылары Махачкалада Ленинши комсомол атындагы паркта «Воин-освободитель» эстелиги касында «Яшав тамшысы» деген савлайроссиялык акциясын озгардылар. Онынъ мырады – терроризм мен куьресте яшавлары кыскартылганларды, ыхтыяр саклав органларынынъ ян берген куллыкшыларын, буьгуьнлерде арамызда йоклардынъ баьрисин эскеруьв.
Эске салайык, 3-нши сентябрьде, терроризм мен куьресуьвде макулласув куьнинде, биз Беслан каласында болган кайгылы оьзгеристи эске туьсиремиз. Сол заманда 1-нши номерли мектебте болган теракт барысында бир неше юзлеген аьдемлер, коьбиси балалар, ян бергенлер. Уьш куьн узагында есирге туьсип капалган аьдемлер бир увырт сув ишпеге заьр болганлар.