Янъыларда Кизляр районынынъ
Черняевка авыл орта мектебининъ выпускниги Патшалык сынавларында йогары тамамларын коьрсеткени уьшин бийик савгага – акшалай баргысына тийисли этилинди. Шилле
айынынъ ишинде сынавларда йогары тамамларын коьрсеткен выпускниклерин шатлыклы аьлде савгаладылар. Шара Дагестан Аькимбасынынъ
куллыгын кесек заманга юритуьвши Федор Щукиннинъ етекшилиги астында озды. Айырым баа берилуьвге эм акшалай баргысына Кизляр рай-
онынынъ Черняевка авыл орта мектебининъ окувшысы Аминат Хибиева тийисли этилинди. Оьз тиресуьвли окувы, терен билими, окувда шалыскырлыгы ман окувшы кыз орыс тил

эм химия окув сабаклары бойынша сынавларда 97 эм 95 балл алып, бийик тамамларын коьрсетти. Окувда ийги
уьстинликлери уьшин Аминат 100 мынъ маьнет оьлшеминде акшалай баргысынынъ иеси болды. Сол акшалай сертификатын шалыскыр мектеб
выпускнигине Дагестан Оькиметининъ Председатели Магомед Исрафилович Рамазанов тапшырды.
Аминаттынъ етимиси – ол тек
окувшы кыздынъ коьпйыллык исининъ тамамы болып калмай, онынъ окытувшыларынынъ да уьстинлиги.
Шалыскыр, яваплы эм илмилер-
ге уьйкен суьйими сезилген кыздынъ коьрсеткен бийик тамамлары аркалы Аминаттынъ алдында элимиздинъ
алдышы йогары окув ошакларынынъэсиги кенъ ашылаягына соьз йок.
Кыздынъ шалыскырлыгы эм уьйкен куллыксуьерлиги районнынъ ясларына тийисли уьлги болып келер.
Районнынъ келеектегиси эм оьктеми болган талаплы окувшыга алдыда,
етисуьвлеринде токтап калмай, янъы бийикликлерге ымтылувын шалт бардырганын йораймыз.
Г.Нурдинова.
Суьвретте: етимисли окувшыга баргы тапшырылув мезгили.