Бу йыл Россия Президенти мен Аталык коршалавшысы йылы деп беркитилген эм савлай элимиз бен Уллы Аталык согысында енъуьвдинъ 80 йыллыгын белгилеекпиз. Соны ман байланыста районнынъ маданият учреждениелеринде коьплеген шаралар озгарылады. Коькек айынынъ ишинде Терекли-Мектеб миллет яратувшылык орталыгында «Салют, Енъуьв» деп аталып, патриотлык йырларынынъ фестивали озды. Шарада районымыздынъ баьри маданият уьйлерининъ куллыкшылары катнастылар. Катнасувшылар «Катюша», «На Мамаевом кургане», «Синий платочек», «Журавли», «Отмените войну», «Верните сыновей», «Смуглянка» йырларын шоьл еринде занъыраттылар. Бу йырлар согыс заманда аьскершилерге явды урмага, енъмеге куьш бергенлер. Айырым соьзди Батыр-Мурза авыл окытувшылар коллективи, А.Эдильбаева, Р.Солтанова эм баска катнасувшылары акында айтпага керек. Фестиваль катнасувшылары Сый грамоталары ман савгаландылар. Аьли де шаралар озгармага ниетленемиз. Коькек айынынъ ызында, Уллы Енъуьвдинъ мерекесине багысланып, биюв фестивали оьткерилеек.
Н.Халилова,
ДР ат казанган маданият куллыкшысы.
Суьвретте: шара катнасувшылары.