Уьстимиздеги йылдынъ курал айынынъ 27-нши куьнинде Кизляр ара орталык район китапханасында, Ортароссиялык китапханалар куьнине багысланып, шатлыклы шара уйгынланып озды. Оьз яшавларын билимди таралтув эм саклав бойынша онъайлы исине багыслап келген китапхана куллыкшыларын
шатлыклы аьлде Кизляр район етекшиси Аким Микиров атыннан шатлыклы аьлде район аькимбасынынъ орынбасары Зарема Агакшиева кутлады. Ол китапхана куллыкшыларына арувсыз иси, олардынъ кесписине алаллыгы, район яшавшыларынынъ анъ-акыл байлыгынынъ кепленуьвинде уьйкен маьнели орын
тутатаганы уьшин уьйкен разылыгын билдирди. Оннан сонъ ол шара бойынша йогары кеспилиги, Кизляр районынынъ китапхана аьрекетининъ оьрленуьвине эткен уьйкен косымы уьшин эм, солай болып, кеспи куьни мен байланыста, баскаланган бир неше китапхана куллыкшыларын Сый грамоталары эм баалы савгалары ман белгиледи.
Суьвретте: Сый грамотасы тапшырылув мезгили.