Сергей Меликов ДР-да Терроризмге карсы комиссиясынынъ кенъесин озгарды. Онынъ
исинде куьш структуралар, патшалык власть эм ерли самоуправление органлар ваькиллери ортакшыладылар. Бас темасы – Дагестан еринде Россия Федерациясында
2024-нши-2028-нши йылларга терроризм идеологиясына карсы аьрекет этуьвдинъ Комплекслик планынынъ шараларын яшавга шыгарув.
– Сол аьрекетти юритпеге тийисли власть органлары ямагат, яслар, дин организациялары ман биргелесте комплекслик планды яшавга шыгарув бойынша заьлимдей куллык юритиледи. Неонацизм эм деструктивли козгалысларынынъ идея-
лары ман макул болмайтаган эм айыплайтаган ой-карасларды кеплевге мыратланган терроризмге карсы токтаслар туьзиледи эм кенъ яйылады, – деп белгиледи регион
етекшиси.
Онынъ айтувы ман, туьрли категориялы гражданларды аьвликтируьвге каратылган коьлемлик ямагат-маданият, спорт эм ял алув шаралар озгарувлары кенъ кулланылады. Элимизде эм дуныяда ызгы заманда туьзилетаган аьлди, куьндеслердинъ деструктивли мырат пан конфессиялар ара эм конфессиялар ишиндеги факторларды кулланмага шалысувлары терроризмге карсы турув тармагын-
да баьри дережели власть органларынынъ биргелес аьрекет этуьвин талаплайды, деп эске салды республика аькимбасы. Кенъесте ортага салынып ойласылган соравлары
арасында – автомобильлик, темир йол, авиация, тенъиз объектлерининъ инфраструктурасынынъ терроризмге карсы коршаланув дережесин арттырув.
Ызгы йылларда Дагестанда сондай объектлердинъ терроризмге карсы коршаланув дережесин арттырув бойынша кайбир шаралар озгарылган, эм сол ис армаган да бар-
дырылмага тийисли. Соьзининъ тамамында Сергей Меликов толтырувшы власть органлар етекшилерине АТК карарларын, экстремизмге эм терроризмге карсы
аьрекет этуьв бойынша планланган шаралардынъ толтырылувына байыр тергев салмага тапшырды.