Янъыларда Дагестан Республикасынынъ Баспа эм информация Агентствосы Запорож-
ский областининъ Михайловский районына уьйкен гуманитарлык югин йиберди.
Аьдетинше юкти йыювда сол ерлерде яшайтаган аьдемлердинъ не затларда керекси-
нетаганын да эсине алдылар. Оьзек те, азык-туьликти де аямай салдылар.
Солай ок Запорожский областининъ Михайловский районынынъ билимлендируьв уч-
реждениелерине дагестанлы язувшылардынъ китаплери, йыйынтыклары, Дагестан
Республикасынынъ маданияты, аьдетлери язылган булаклар, СВО катнасувшыларына
багысланып язылган китаплер де йиберилдилер.
ДР Баспа эм информация Агентствосынынъ етекшисининъ маслагатшысы Мурад
Магомедкеримовтынъ билдируьвине коьре, бу йол йиберилген гуманитарлык юкке дагестанлы язувшылардынъ китаплери кирдилер, солар тек билимлендируьв тармагынынъ ис аьрекетин колтыклап калмаяк, Запорожский областининъ яшавшыларын Дагестаннынъ маданият асабалыгы ман да таныстыраяк.
Белгилеп озайык, бу акция ДР Баспа эм информация Агентствосынынъ етекшиси Арсен
Юсуповтынъ баславы ман озгарылды.
– Энъ де маьнели борыш
– Запорожский областининъ Михайловский районынынъ яшавшыларын колтыклав эм
оларды нацистлерден саклавга куьшин, канын аямай юрген аьскершилер тарихи мен таныстырув. Сол йиберилген китаплер баьриси де билимлендируьв тармагынынъ ис аьрекетине киргизилеек, – деди Дагинформ етекшисининъ маслагатшысы.