Быйыл район орталыгынынъ А-Х.Джанибеков атындагы орамында 600 квадратлы метр оьлшеми болган янъы балалар майданы курылып, кулланувга да берилген. Сондагы баьри алатлары да янъыдан салынып, ишине де олтыргышлар, фонарьлер ерлестирилип, кыры да янъы бийик кора ман кораланган. Бу ислерге баьриси 7 миллион маьнет акша шыктажы этилинген. Буьгуьнлерде болса, янъы
балалар майданы авылдынъ МЖС микрорайонында да курылып туры. Сонынъ оьлшеми – 584 квадратлы метр. Бу курылыс та быйыл 1-нши сентябрьге кутылмага каралады. Сол курылыска 4 миллион 900 мынъ маьнет акша карыжы шыгарылады. Бу эки майданлардынъ да курылысы «Комплексная городская среда» деген федераллык программасы бойынша яшавга шыгарылады. Курылыс ислерди ДР Курылыс, архитектура эм ЖКХ министерствосы юритеди.
М-А.Ханов.
Суьвретлерде: волейбол майданы курылады; балалар майданы.