Анадынъ юреги балада». Соьйтип айтадылар ногайлар, сол соьзлер тек бизим халкта айтылмайдылар,
баьри аналар да саьбийлери уьшин кыйналадылар. Неше ясында болса да, анадынъ юреги баласы уьшин авырып турады. Асиет Агали кызы Атангулова, согыс спецоперациясынынъ катнасувшыларынынъ баьри аналарындай болып, енъуьв келсин деп тилеп
турады. Мурзабек Ямеш увылы эм Асиет Агали кызы Атангуловлардынъ СВО еринде эки увылы куллык этедилер
– Арсен эм Амирхан. Агалы-инили Атангуловлар Запорожье барысында бир полкта
куллыгын бардырадылар. Амирхан 2022-нши йыл мобилизация бойынша СВО ерине кеткен.
Арсен согыс спецоперациясына Шешен Республикасында «Ахмат» подразделениесининъ
сырасында кеткен, ол эки кере Россия Коршалав министерствосы ман контракт туьзген, яраланган, уьйде эмленген, сонъ тагы да согысув ерине йолланган. Арсен уьйде турган заманда
СВО ерине коьп гуманитарлык юклер тасыган. Арсен эм Амирхан бир-бирисине ювыкта куллыгын бардырадылар, тек аьр дайым коьрисип болмайдылар.