Бекмурза Яхъя увылы Кудайбердиев – Дагестан Республикасынынъ Ямагат палатасынынъ билимлендируьв, маданият, яслар политикасы эм туризм бойынша Комиссиясынынъ агзасы. Ол солай ок Генеральлик
Директорлар Рейтингининъ катнасувшысы болып, Дагестан Республикасы бойынша «Саният эм маданият» тармагында коьрнекли орынды бийлейди. Онынъ кеспилиги, ис борышларын сапатлы эм яваплылы толтыратаганы аркасы ман «Ногайский оркестр» ГБУ заьлимдей уьстинликлерге етискен.
Янъыларда Дагестан Республикасынынъ Ямагат палатасынынъ 24-нши кенъеси болып озды. Палата председатели Азизбек Черкесов, кенъести аша берип, онынъ катнасувшыларын йылы соьзлер мен хош коьрип алды, сонъ шатлыклы аьлде Ногай халк саз алатлар патшалык оркестрининъ етекшиси Бекмурза Яхъя увылы Кудайбердиевке ДР Ямагат палатасынынъ йогары савгасы – «За заслуги перед обществом» медалин тапшырды.
Савгады тапшыра берип, Азизбек Черкесов Бекмурза Яхъя увылын савгалав акында карар онынъ гражданлык ямагатын беркитуьвге эм оьрлентуьвге каратылган коьпйыллык кыйыны уьшин, ак юректен сый этуьвдинъ белгиси эсабында, Совет пен бир тавыстан кабыл этилип алынганы акында айтып, онынъ айырым маьнелигин белгиледи.
Бекмурза Яхъя увылы онынъ аьрекетине сондай йогары баа берилгени уьшин ак юректен оьз разылыгын билдирди, ол, бас деп, халкка куллык этуьвге оьзин багыслаган онынъ бирдей ой-токтаслы алал эм бирге ислеген йолдасларынынъ казанылганына сый этуьв экенин белгилеп.