Тувган ер – ол энъ де уллы, энъ де ювык эм энъ де баалы. Бизим Тувган еримиз – Дагестан. Ол аьлемет, данъклы, ярасык ер. 15-нши сентябрьде бизим республика энъ де маьнели патшалык байрамларынынъбириси – Дагестан халкларынынъ Бирлик куьнин белгилейди. Бу байрамда баьри дагестанлыларга аьдетли болган кардаш бирликтинъ, биргелесип тынышлыкты беркитпеге аьзир болувдынъ, оьз республикасынынъ бирлигин саклавдынъ баалыклары тар байланыскан. Байрамнан алдын оьсип келеяткан несилди патриотлык яктан тербиялав ниетте район орталык китапханасы ерли музейи мен биргелесте шара уйгынладылар. Патриотлык саьатинде А-Х.Джанибеков атындагы мектебининъ 8-нши класс окувшылары класс етекшиси Гульфира Куруптурсунова ман катнастылар. Шарады китапхана куллыкшылары Арина Якубова эм Айгуль Батырова ашып юриттилер.
Олар балаларга бек кызыклы аьлде стан Республикасынынъ халклары, аьдетлери, калалары, районлары, тавлары, сувлары, усталыклары акында хабарладылар.
–Дагестан – ол 100 туьрли халклардынъ Тувган ери. Дагестан – ол аварлар, даргинлер, кумыклар, лезгинлер, орыслар, табасаранлар, азербайджанлар, ногайлар, татлар, мышыгыз-аккинлер, рутуллар, цахурлар, агульлер эм баскалар. Олар баьриси де туьрли тиллерде соьйлеселер де, ортак тил тавып боладылар. Бизим республикады тек «тавлар эли» деп айтып калмай, « тиллер эли» деп те айтадылар. Республикада 44 муниципаллык район, 1618 авыл бар. Дагестаннынъ бас каласы – Махачкала. Ол 1922-нши йылга дейим Порт-Петровск деп аталган, сонъдагестанлы революционер Махач Дахадаевтинъ сыйына Махачкала деп аталып баслаган, – деп хабарын басладылар китапхана куллыкшылары.
Шара барысында регионнынъ ярасыклыгы, маданият байлыгы ман сукландырган презентациялар, видеоматериаллар коьрсетилинди. Солай ок окувшылар уллы Расул Гамзатовтынъ ятлавларын окыдылар,китапхана куллыкшыларынынъ Дагестан бойынша
соравларына явап бердилер. Балалардынъ явапларыннан олар оьз тувган ери – Дагестан акында аьруьв билгенлери сезилди. Шарадынъ сонъында балалар аьзирленген китап выставкасы ман таныстылар эм эстеликке суьвретке туьстилер. Йолыгыс йылы аьлде оьтти, ол,
соьзсиз, окувшылар уьшин бек пайдалы болды.
Суьвретте: шарадан коьринис.
