Уьстимиздеги йылдынъ кырк кийик айынынъ 27-нши куьнинде Янъы Уренгой каладынъ миллет маданият орталыгында халкымыздынъ аьдетлерине багысланган
ногай маданиятынынъ куьни уйгынланып оьтеек. Байрамнынъ кызыклы программасы бойынша шарага келген конаклардынъ миллет уьйлерининъ эм уьйшиликте кулланув алатларынынъ суьвретлери аркалы оьз халкынынъ тарихин ювык танымага болаяк «Истоки» фотовыставкасында, «Волшебные узоры» мастер классында, кызыклы соравларга яваплавы эм борышларды толтырув ман ногай маданиятынынъ дуныясында кезинмеге болатаган «Халклар аьдетлери» деген викторинасында, миллет анълары ман этнобиювлеринде эм сондай баска затларда ортакшылык этпеге амаллары болаяклар.
Сол байрамда миллет ваькиллеримиз аьеллери мен катнасып, ногай халкынынъ бай маданият асабалыгы ман таныспага эм оьз заманларын кызыклы эм пайдалы озгармага амаллары болаягына соьз йок.
