Дагестан Республикасынынъ Оькиметининъ карарына коьре, «Дагестан Баспа уьйи» эм «Дагестан китап баспасы» патшалык автономлы учреждениелери бир органга бирлестирген – Дагестан Республикасынынъ «Дагестан китап баспасы «Даггосиздат» патшалык автономлы учреждениеси.
ДР Баспа эм информационлык Агентствосынынъ етекшиси Арсен Юсуповтынъ айтувы ман, бу туьрленислер республикамыздынъ савлай баспа комплексининъ исин
бирлестируьвге каратылган. Ресурсларды, компетентли, йогары квалификациялы специалистлерди бирлестируьв истинъ сапатын оьстирмеге, шыгармалардынъ баспаланувын кенъейтпеге амал береек. Соны ман бирге бирлестирген учреждениединъ борышларынынъ бириси – газеталарды эм журналларды окувшыларга еткеруьв.
Ызгы йылдынъ ишинде республика бойынша бизим ердеслеримиз – СВО катнасувшылары, Уллы Аталык согысынынъ баьтирлери акында йогары сапатлы китаплер
баспаланды. Дагинформнынъ етекшиси республикамыздынъ китап баспалав тармагынынъ оьсуьвине эм оьрленуьвине бу бирлесуьв бек ийги амаллар береегине шеклемейтаганын белгиледи.
Бизим хабаршы.