Буьгуьн Дагестан Республикасынынъ Аькимбасы Сергей Меликовдагестанлылар ман «Прямая линия» озгармага ниетленеди. Республикамыздынъ яшавшылары басшыга оларга маьнели деп санайтаган соравларын бермеге боладылар.
– Мен аьр дайым сизинъ алдынъызда ашык. Сизинъ белсенлигинъиздинъ аркасы ман биз коьп затларга етистик деп айтпага боламыз. Дарманлар ман аьжетсизлев эм догазификация акында соравлардан алып уьйкен калаларды, авылларды, савлай республикады коьрклендируьвге каратылган проектлерге дейим биз яшавга шыгарып турамыз, – деп язады оьзининъ ТГ-каналында республика аькимбасы. Биз, дагестанлылар, анълаймыз,
«Прямой эфир» – маьнели оьзгерис регионымызга. Аьр бир аьдем оьзининъ ойы ман, маьселелери мен боьлиседи, олар шекленмейдилер, берилген баьри соравлар да каралаяк. Сол сенимлер кайзаманда да акланганлар, неге десе Сергей Алимович «Прямая линия» барысында эситилинмеген соравларды да армаганга салып коймайды, олар караладылар эм керекли карарлар алынады сол соравлар бойынша. Гражданлар ман берилген аьр бир сорав эситилинеек. «Прямая линия» озгарув властьтинъ ашыклыгын, республикадынъ яшавшыларынынъ кайтип яшавын ийги билмеге аваслыгын, оларды кайдай соравлар тынышсызландыратаганын коьрсетеди.
Дагестан Республикасынынъ Аькимбасы ерлерди онъландырув, йоллардынъ сапатын, ямагат транспортынынъ аьлин, савлык саклав эм
билимлендируьв тармакларына каратылган соравларга явап берер быйылгы «Прямой эфир» барысында. Солай ок СВО катнасувшыларына, олардынъ аьеллерине коьмек этуьв акында соравларды да коьтерер.
Айлак та маьнели деп регионымыздынъ етекшиси ер мен, байыр муьлк пен, сув ман аьжетсизлев мен байланыслы соравларга маьне береди. Онынъ айтувы ман, бу соравлар бойынша маьселелер оьз кыйынлыгы ман баскаланадылар.
Биз Дагестан Республикасынынъ
Аькимбасы Сергей Меликовка сенемиз. Онынъ етекшилевининъ астында республика дурыс йол ман барады, онынъ эткен аьр бир иси дагестанлылардынъ яшавынынъ ийгиленуьвине каратылган. Буьгуьн республикамызда «власть-халк» диалогы озаяк. Бизге сол – маьнели оьзгерис, неге десе сондай уьйкен шаралар бизге маьселелерди шешпеге, коьпмиллетли Дагестан эм уллы Россиядынъ онъайлыгына биргелесип аьрекетлемеге амал береди.
Г.Бекмуратова,
Россия Журналистлер союзынынъ агзасы.
