Янъыларда Ногай район администрациясында Дагестан Халк шаири, язувшы, журналист, РФ Язувшылар эм Журналистлер союзларынынъ агзасы
Анварбек Култаевке Ногай районынынъ сыйлы гражданини деген оьрметли ат тапшырылды.
Бу куванышлы исти толтыраятып, Ногай район администрациясынынъ басшысынынъ орынбасары Рашид Шангереев халк
маданиятында Култаевтинъ яратувшылык исининъ орынын белгиледи.
Быйыл халклар ара адабият баргылардынъ, А.Пушкин атындагы Савлайроссиялык адабият медалининъ иеси, Дагестан халк шаири Анварбек Култаевтинъ
85 йыллыгы ман байланыста ол район Депутатлар йыйынынынъ карары ман Ногай районынынъ сыйлы гражданини деген оьрметли атка тийисли болганы акында билдирди. Рашид Шангереев шатлыклы аьлде мерекешиге сол сыйлы атты тапшырды.
Анварбек Култаев район етекшилерине эм савлайы ногай халкына ога сондай сый этуьви уьшин разылыгын билдирди. Ол йыйылганларга кыска кепте оьзининъ яратувшылыгы акында хабарлады эм бир неше ятлавларын окыды.
М-А.Ханов.
Суьвретте: Анварбек Култаевке савга тапшырылув аьсеринде.