Дагестан Аькимбасы Сергей Меликов «Росатомнынъ» Новолак ветэлектростанциясынынъ (ВЭС) ислеп баслаган вакытын республика энергетикасы уьшин тарих куьни деп атады.
Регион етекшисининъ соьзлерине коьре, Россияда бу уьйкен оьлшемли проект аьлиги Дагестаннынъ илгерили белгиси болады. Буьгуьнлерде 150 МВт-тан
артык куватлыгы болган 61 ветроустановкалар кулланувга берилип, ис шыгарып баслаган. 2026-ншы йылда аьли де 59 установкалар аьрекет этуьв аркасы ман ВЭС куватлыгы 300 МВт-ка еткерилеек. Станциядынъ ис шыгарувы йыл бойынша саьат сайын 879 млн.кВт-ка дейим етеек.
С.Меликов курылыс ислер шалт юритилетаганын белгиледи. Ол «Росатом Возобновляемая энергия» АО-га эм онынъ гендиректоры Григорий Назаровка бу стратегиялык проектин яшавга шыгарылатаганына себеплик этетаганлары уьшин разылыгын билдирди, ол республикамызга оьсетаган инвестиционлык
сенимлиги акында шайытлайды. ВЭС курылысы оьсетаган энергетикалык керексинуьвлерине яваплайды.