Янъыларда Сургут каласында яшайтаган Курманбаевлердинъ аьели йогары патшалык савгасына тийисли этилди. Россия Федерациясынынъ Президенти Владимир Путин Сургут каласында яшайтаган коьпбалалы Курманбаевлердинъ аьелининъ иелерин Артур Саидалиевич эм Зульфия Абусеитовна Курманбаевлерге «Родительская слава» деген сыйлы орденин тапшырды. Сондай уьйкен эм татым аьелин тербиялав – ол уьйкен суьйимди, шыдамлыкты эм акылбалыкты талаплайтаган куьнсайынлык йигитлик болады.
Артур Саидалиевич эм Зульфия Абусеитовна оьз аьвлетлерине тек парахатлы уьй ошагын туьзип калмай, аркадан-аркага коьширилип келген ясуьйкенлерди сыйлавды, кишкейлер акында каьр шегуьвди де тербиялап келедилер. Сол сыйлы ордени – ол тек ата-анадынъ йигитлигин белгилев болып калмай, ногай адабиятында куьшли болган аьдетли аьел баалыкларын саклав болады.
Ак юректен Курманбаевлердинъ аьелин тийисли савга ман кутлаймыз! Олардынъ берк эм татым аьелине келеекте де наьсипти эм онъайлыкты йораймыз.
Суьвретте: Курманбаевлердинъ аьели.