Кутлаймыз!
Аявлы дослар, студентлер, окувшылар эм педагоглар!
Сизди Россия студентлер куьни – яслык, яшав куванышы эм сенимлер байрамы ман кутлаймыз!
Студент йыллары – аьр аьдемнинъ яшавында энъ кызыклы, завклы эм солай ок бек яваплылы шак.

Сол заманда тувылма шынты эм алал дослар йолыгадылар, келеектеги байыр эм кеспилик уьстинликлердинъ негизи салынады.
Буьгуьнде ямагатка, бир де болмаганлай, кыйын салмага мыратланатаган эм ислеп бажаратаган билимли аьдемлер керек.
Сизге, аьлиги яс несилге, ювык арада районымыздынъ оьрленуьви, тарихимиз эм маданиятымыз аркадан-аркага коьшуьви, яс уьйкенлердинъ яшав онъайлыгы эм келеектеги несиллерди тербиялав уьшин яваплылык салынар.
Сиз – яс несилдинъ энъ аьрекетшил кесеги, белсен яшав позициясын бийлейсиз, оьз байыр келеектегисинде болганлай, оьз патшалыгынъыздынъ келеектегисинде де йогары кызыксынувлыкты тутасыз. Сизге ак юректен алган билимлеринъиз бен дайым да пайдаланганды йораймыз.
Аьлемет студент йыллары сизге савлай яшавынъызга ийги як куьш-куватлыгын берсин, каныгыслы кыйын салув, яратувшылык ис пен каьрлев, дослык эм суьйим сезимлер мен бийленген наьсипли заман шагы болып
эсинъизде саклансын.
Аявлы дослар! Студент йылларынынъ енъиллик сезими коьптен-коьп
заманлар бойы сизинъ баьринъизде де саклансын,аьр куьнинъиз суьйиниш эм ийги коьнъиллик савкатласын, касынъызда дайым да алал эм сенимли досларынъыз болсын. Уьстинликлер, онъайлык, яшав куванышы, суьйим эм наьсип сизге!

«Ногайский район» МР администрациясынынъ аькимбасы Джамалутдин Эсиргепов.
«Ногайский район» МР Депутатлар Йыйынынынъ
председатели Алибек Менласанов.