«Казыят» Саваплык фонды согыс спецоперация юретаган ерге кезекли гуманитарлык югин йиберди. РФ Мусылманлар дин управлениесининъ социаллык эм саваплык ислери бойынша департаментининъ етекшиси, «Казыят» Саваплык фондынынъ председатели Рашид Хазрат Акказиев эм «Казыят» МРОМ председатели Тахир Хазрат Яриков согыс спецоперация еринде оьз борышын толтыратаган аьскершилерине кезекли гуманитарлык югин уйгынлап йибердилер. Сол ярдам – керекли затларды йыюв болып калмай, Аталыгымыздынъ коршалавшыларына терен разылык эм шынты коьтергишлевимизди билдируьв де болады. Баска болып, «Казыят» фондынынъ, «Казыят» МРОМ аьрекети эм Рашид Хазрат, Тахир Хазраттынъ эткен оьз косымлары биринши танк полкынынъ етекшилеви мен де белгиленди.
Полк етекшилеви байыр туьзилисининъ керексинуьвлерине эс беруьвине эм боьликтинъ согысувга аьзирлигин беркитуьвге маьнели ярдамын эткени уьшин разылыгын билдирди. Дин аьрекетшилерининъ эм аьскердинъ сондай биргелес аьрекетининъ бек уьйкен маьнеси бар. Аьскершилеримизди коьтергишлевине дайымлык
эс этетаган сондай ис аьрекети Россия Мусылманлар эм Москва каласынынъ Мусылманлар дин управлениелерининъ етекшилевлери мен юритиледи. Гуманитарлык ярдамыннан баска, яралы аьскершилерине моральлик эм дин ягыннан коьтергишлев этилетаган согыс госпитальлеринде болув да бек маьнели орынды тутады.