Янъыларда Ногай район аькимбасы Джамалутдин Эсиргепов гражданларды кабыл этип алды. Сонынъ барысында сонъгы темалар бойынша соравлар каралдылар. Айтпага, Ногай районымыздынъ Эдиге авылынынъ яшавшысы Алибек Капланов авыл еринде янъы курылган орамга газ, электроярык эм сув аькелуьвши тармаклары ман канагатлавда аькимбасына оьз уьлисин коспага тилек салды.
Сол сорав район аькимбасы ман тергевге де алынды. Ол белгиленген тармак етекшилерине тийисли буйырыкты да берди. Сорав тезден шешилеегине шек йок.
Оннан баска болып, йолыгыста БатырМурза авылыннан согыс спецоперациясынынъ катнасувшысынынъ анасы Фатима Бокеева болса, онынъ эрин ис орынга
салувды тиледи. СВО катнасувшылары ман байланыслы соравлар алды орында турадылар. Ногай район аькимбасы соларды ийги якка каратып шешер уьшин баьри
куьшин де салады.