Дагестан Республикасынынъ Ногай район газовиклери газ бан пайдаланув тармагында кавыфсызлык йорыклар тутылув эм бу яктан етиспевликлердинъ алдын шалув бойынша куллык этуьвди белсенлик пен бардырып келедилер. «Газпром газораспределение Дагестан» ООО специалистлери, Ногай районынынъ ГЭС куллыкшылары район яшавшыларына газ бан пайдаланувда тутылмага тийисли кавыфсызлык йорыклар акында билдирип турадылар, солай ок газ оборудованиеси дайым да иркуьвсиз сенимли ислемеге керектинъ маьнелигин белгилейдилер. Олай деген, яшавшыларды газ бан канагатлав службасынынъ куллыкшылары, гражданлардынъ турак уьйлеринде болып, газ алатларынынъ иркуьвсиз эм кавыфсызлык аьлинде ислейтаганына тергев саладылар.
Мундай шаралар газ бан пайдаланувда тутылмага керек кавыфсызлык дережесин арттырувга эм авариялык аьллердинъ алдын шалувга каратылган. Район администрациясы бу баславларды яклайды эм яшавшыларга турак уьйлерининъ кавыфсызлыгы ман байланыслы соравларга артык эс каратпага шакырды.
