Россия Баьтири Евгений Поддубный Дагестан Республикасында согыс спецоперациясынынъ дагестанлы катнасувшыларына багысланган документальлик фильмин согув бойынша куллык этеди.
Бу куьнлерде сонынъ уьстинде аьрекет этетаган куьп бизим еримизде конакта.
– Аьр кайсы заманда да мен Дагестанга келсем, мени мунда хош коьрип, йылы йолыгадылар, республика да аьр бир келуьвге баскаша туьрленген, янъы курылыслар, туьрленислер этилген болады. Дагестан – Россиядынъ тарихинде айырым орында. Элге кыйын заманларда, дагестанлы халк коршалавга турмага дайым аьзирлигин коьрсетип келген эм келеек, – деди ол.
Евгений Поддубный оьз ойларын документальли фильмнинъ согылувына шайыт болган ДР Аькимбасы Сергей Меликовка билдирди.
Евгений Поддубный — согыс майданнан билдируьвлер беруьвде бек бай сулыбы болган  аьскерши корреспондент. Ол – кайсы согыс майданнан да халкты билдируьвлер мен таныстырып келген эм келеди. Сол коьргенлерин документальли фильмлер туьзип калдырув уьстинде де ислейди.
Эсинъизге салайык, ол 2024-нши йылдынъ сары тамбыз айында, Курской областинде украиншы неонацистлердинъ аьскерли атувы астында калып, каты яраланган эди. Мунда коьрсеткен йигерлиги эм йигитлиги уьшин журналист сыйлы Россия Баьтири деген атка тийисли болган.