Дагестан Республикасында регион етекшисининъ ойы эм баславы ман «Баьтирлер несили» деп аталган мультимедийный выставка ашылды. Мунынъ биринши конаклары – Россия Баьтирлерининъ аьеллери, Юнармия, ТОКС эм кадетлер активистлери.
Янъы экспозиция «Россия – меним тарихим» тарих паркында, республика етекшисининъ грантына конкурста енъуьвши болган «Альтаир» талантларды оьрлендируьв орталыгы ман яшавга шыгарылды.
Мунда согыс спецоперациясы басланган куьннен алып бу куьнлерге дейим оьзгерислер шерети мен коьрсетиледи.
Мультимедийный выставка бир неше туьрли экспозициялардан туьзилген: «Антироссия» проекти, «Орыс язлыгынынъ» язалавшылары», «Баьтирлер несили», «Эс». Аьр бирисинде келисли тема бойынша билдируьвлер этилеек.
Эсинъизге салып озайык, Сергей Меликовтынъ ойы ман сол «Россия – меним тарихим» паркында аьскерлик данъкынынъ залы янъыртылган. Сондагы экспонатлар арасында – аьскерлик байраклар, СВО эм баьтирлер акында китаплер, суьвретлер. Сонда бир боьлмеде ДР Аькимбасына СВО катнасувшыларыннан келген разылык хатлар, савгалар да бар