Тарумов районынынъ администрациясына Дагестан Республикасынынъ Аькимбасы Сергей Меликовтан Разылык хат келди. Сол хатта ол СВО катнасувшысы Камиль Назировтынъ ата-анасы Арслан эм Аминат Назировларга уьйкен разылыгын билдиреди.

Шатлыклы аьлде Тарумов районынынъ аькимбасы Василий Джамалов Назировлардынъ аьелине увылын ийги этип тербиялаганы уьшин савга тапшырды. Ол Камильдей аьскершилер-ердеслеримиз согыс борышларын йигитлик пен толтырадылар, баскаларга коьрим боладылар деп белгиледи. Район басшысы суьйиниш пен ата-аналар разылык хатларын алатаганын айтты. Олар увыллары ман оьктемсийдилер, бизим ердеслеримиз куллык этетаган ерлеринде сый-абырай казанадылар.
Камиль Назировтынъ ата-анасын район аькимбасынынъ орынбасары Мурад Абдулазизов кутлады. Яс эр борышын толтырып турган заманда Россия Савытлы куьшлери мен контракт туьзген эм биринши куьнлерден алып согыс спецоперациясында катнасады. Солай ок Камиль Назиров «За боевые отличия» медали эм ведомстволык грамоталары ман савгаланган.
Бизим хабаршы.