Дагестан Республикасынынъ Аькимбасы Сергей Меликов регионнынъ алдышы саваплык организациялар етекшилери мен ис йолыгысын озгарды. Ортага салынып ойласылган бас тема – авыр табиат аьллери мен байланыслы баьле-казасында кыйынлык коьрген республика яшавшыларына ян-як коьмек этуьв уьшин патшалыктынъ эм меценатлардынъ куьшлерин биргелестируьв.
Энъ маьнелиси – адресли коьмек этуьвдинъ кеплери акында ойласув. Аьдеттеги патшалык компенсациялардан баска болып, федераллык эм республикалык законодательствосы ман келисте коьмек этуьвге тийисли дегеннинъ астына туьспейтаган, чрезвычайный аьллерде кыйынлык коьрген аьеллерди яклав уьшин фондлар ресурслары кулланылмага планланады. Соны ман, биргелес куллык этуьв аркасы ман баьле-казасында зыян коьрген баьри яшавшыларга коьмек алувга толысынша эп болаяк.
Йолыгыста бу маьнели соравды ортага салып ойласувда «Инсан», «Надежда» фондларынынъ, «Туба» саваплык платформасынынъ етекшилери, «Чистое сердце» фондынынъ вице-премьери эм республикамыздынъ белгили меценатлары ортакшылык эттилер.