Согыс спецоперациясы. Тыныш тувыл яшав болжалы. Йигитлик, эр кисилердинъ йигерли абытлары…баьри затка да дав майданда орын табылады. А тыл акында айтатаган болсак, сол да бек уьйкен маьнели зат. Тыл берк болса, дав майданда да бираз енъил болады, неге десе сол аьскерши йигитлерге дем береди, ян тоьрлерин йылувлык бийлейди, сол заманда олар ким уьшин сол аьрекетти бардыратаганын аьруьв анълайдылар. Тылда йигерли куллыкты юритетаганлар да бар, Ногай районымызда «Неравнодушные сердца» волонтер куьбининъ агзалары деп айтар эдим. Олардынъ аьрекети коьз алдымызда, не шаклы ясларга ярдам этиледи, олардынъ куьш салувы ман юзлеген гуманитарлык юк аьзирленип, согыс спецоперациясы оьткен ерлерге, кайсы йорыкка да йиберилген. Кешесикуьндизи бу куьптинъ сырасына кирген хатынлар ман эр киси куллык этеди. Аьли соьзим оларга дайым етекшилеви ярдамшы болатаган «Ногай Эл» балалар бавынынъ куллыкшылары. – «Ногай Эл» балалар бавы Наида Янбулатовадынъ етекшилеви астында коьмекке табылады десек, оьтирик тувыл, олар аьр ай сайын бизге шилтерлер аьзирлейдилер, акшалай коьмек этедилер, мине аьли де олар бизге 21200 маьнет акшалай аькелип бердилер, солай ок сол айтатаган эки шилтер де оьз коллары ман аьзирлегенлер, аз болса, азык-туьлик те уьш коробкага салып СВО ерине еткермеге бердилер. Ак юрегимизден «Ногай Эл» балалар бавынынъ куллыкшыларына разылыгымызды билдиремиз, – дейди Зарема Аджигельдиева. Сол тувыл ма ярдам деген, олар баьримизге де ийги коьрим болмага болады. Тылда ийги куллык юрсе, дав майданда юрген йигитлеримизге де уьйкен ярдам, биз биргелесип, буьтин куллык этсек, Енъуьв де келип калар. 

Г.Курганова.