Дагестан еринде куьшли ямгырлар явганы ман байланыслы баьле-казасын басыннан кеширип, республикамыздынъ кыйналган 24 мынъ яшавшыларына акша эсабында коьмек этилинди.
Россия МЧС-нынъ «Национальный центр управления в кризисных ситуациях» Бас управлениединъ начальниги генерал-лейтенант Анатолий Елизаров, Дагестан эм Шешен Республикаларында ерлерди сув алув ман байланыста туьзилген калдыкларды тайдырув бойынша куллыкты онъландырувга ниетленип, оькимет комиссиясынынъ кенъесин озгарды. Онда вицепремьердинъ куллыгын кесек заманга юритуьвши Рамазан Джафаров ортакшылык этти.