Дагестаннынъ 500-ге ювык окувшы-призерлары эм олимпиадалар енъуьвшилери Дагестан Оькиметининъ баргыларына тийисли этилиндилер.
Олар – РФ Ярыкландырув министерствосы ман йыл сайын токтастырылып оьткерилетаган 1-нши дережели окувшылар олимпиадаларында 2025-нши – 2026-ншы окув йылында
ортакшылаган эм енъуьвши орынларды бийлеген Дагестан мектеблерининъ 9-нши -11-нши класслар окувшылары.
Сога келисли распоряжение Республика Оькиметининъ официаллык сайтында баспаланган.
Соны ман, савлай дагестаннан 497 окувшылар акшалай баргыларга тийисли этилингенлер. Енъуьвшилер эм призерлар 10000 маьнет акшалай баргылар алаяклар. Тоьлевлер республика бюджетиннен ДР-нынъ Ярыкландырув эм илми министерствосы ман этилинеек.