Дагестаннынъ сырт ягында марокка шегерткисине карсы ерлерге дарман себуьв ислери басланды. Ногай районында марокка шегерткиси табылган ер участокларын дарманлав куллыклары оьткерилген.
Айтпага, Бажиган беттеги 350 гектар ер майданларына дарман себилген. Россельхозцентр дагестан филиалынынъ специалистлери шегерткиге карсы юритилген шараларды йорыкластырып турганлар, сол истинъ хайыры 80-нен 90 процентке дейим пайда бергени белгиленген.
Май айынынъ ортасында Калмык Республикасы бойынша Россельхозцентр филиалынынъ куллыкшылары ман бирге шегерткидинъ юмырткалары бар болган япсар ерлеринде
биргелес тергев ислери юритилгенлер. Дагестан филиалыннан бу тергевлерде сырт районлар ара боьлигининъ етекшиси Али Алиев ортакшылык эткен.