Дагестан Республикасынынъ Оькиметининъ Председатели Магомед Рамазановтынъ етекшилеви астында билдируьвди коршалав бойынша Правкомиссия йыйыны болып оьтти.
Ол йыйынды аша келип, буьгуьнлерде республикамыз билдируьв кавыфсызлыгын коршалавда керексинеди эм соны яклавга баьри ведомстволар да аьзир болмага керек.
Бу куьн йыйылганларга М.Рамазанов баьри патшалык онълав тармаклары цифровой кепке коьширилетаганын эске салды. Айтпага, медициналык билдируьв тармагы медучреждениелердинъ куллыгын, мектеблерде «Электронное образование Дагестана» эм сондай баскалар электронлы аьлде кулланувга киргизиледи.
Сол янъылыклар ман бирге билдируьв ресурсларына DDOS-атакалар белсенленеди, сонынъ уьшин бизге билдируьв тармагымызды беркитип, кырга бир зат та кетпегендей этпеге керек болады.
– Сол себеп пен билдируьвлерди коршалав комиссиясы маьнели координационлык орган болады эм, онынъ алдында туратаган борыш – патшалык билдируьв тармакларды
кулланувды кавыфсыз этуьвге тийисли шартлар туьзуьв, – деди премьерминистр.