Дагестан Республика Оькиметининъ
председатели Магомед Рамазанов аьел курып, бирге 30, 40, 50 эм оннан да артык йыллар яшаган дагестанлыларга уьйкен
сый-оьрмет этти. Ол Аьел, суьйим эм алаллык куьнинде сондай 14 дагестан аьеллерине «Суьйим эм алаллык» деген медальлерин тапшырды. Савгаланганлар арасында коьп
балалы аьеллер эм согыс спецоперация катнасувшыларынынъ ата-аналары да бар эдилер.
Дагестаннынъ премьер-министри Магомед Рамазановтынъ колыннан савга алганлар сырасында Терекли-Мектеб авыл яшавшылары Сагнай эм Разиет Аджигайтаровлардынъ болганы – ердеслерине, ювыкла-
рына уьйкен куьез. Аьел курып, 50 йыл узагында яшав оьмирин бардырганы, 7 балага тербия берип оьстиргени акында сулыбы
ман боьлисип, ясларга оьз маслагатларын бердилер ясуьйкенлер.
Буьгуьнде коьримли ердеслеримиз Сагнай эм Разиет Аджигайтаровлар ер юзине эндирген 7 кызларына, олардан тувган саьбийлер – 6 уныкларына эм 4 немерелерине
куьезленип яшайдылар.