Ногай районындагы Дагестан МЧС
пожарный боьлигининъ етекшилери
эм куллыкшылары боьлик туьзилген-
ли 40 йыллыгын шатлыклы аьлде белгиледилер. Шарады баслаятып, соны юритуьвши Сабират Абубекерова Россиядынъ эм Дагестаннынъ пожарный службаларынынъ туьзилуьви эм
оьрленуьви акында хабарлады.
Пожарный боьликтинъ етекшилерине эм куллыкшыларына, келген конакларга каратылган саламлав соьзи мен Ногай район администрация аькимбасынынъ орынбасары Мурад Шадиев шыгып соьйледи. Ол район аькимбасы Джамалутдин Эсиргеповтынъ атыннан язылган кутлав хатты
окыды.
Ногай районынынъ пожарный боь-
лигининъ куллыкшыларын Дагестан
Республикасынынъ от туьсуьвге кар-
сы службасынынъ етекшиси Эльдар
Хамавов кутлады. Оьзининъ соьзин-
де ол республикадынъ гражданлар-
ды коршалав эм ЧС ислери бойынша
министри атыннан сыйлы мереке мен байланыста разылыгын эм йылы кутлавын билдирди. Ол Ногай районынынъ пожарный боьлиги республикада йигерлилердинъ эм ийгилердинъ бириси деп белгиледи.
Ис йолдасларына каратылган кутлав соьзлерин солай ок Ногай районнынъ пожарный боьлигининъ етекшиси Абибулла Яриков, пожарный службадынъ ветеранлары Солтанбий Бекмурзаев эм баскалар айттылар.
Шарадынъ барысында пожарный
боьлигининъ етекшиси Абибулла Яриков эм бир неше куллыкшылары ман ветеранлары Дагестан Республикасынынъ гражданларды коршалав эм ЧС министерствосыннан эм Ногай район администрациясы атыннан Дагестан Республикасынынъ пожарный служ-
басынынъ 100 йыллыгына мерекели медаль мен, Сый грамоталары ман
савгаландылар.
Шарада «Айланай» патшалык
фольклор-этнографиялык ансамбли-
нинъ солистлери, яс йырлавшылар
катнастылар.
М.Ханов.
Суьвретте: савгалав аьсеринде.
