Быйылгы Петербургтагы халклар ара экономикалык форумында Россия Президенти Владимир Путин россия аьскершилерине каратылган соьзинде: «Исленъиз, кардашлар!» – деген шакырувын эткен. Онынъ сондай соьзи Украин президенти Зеленскийдинъ ога язган соьзлери мен байланыслы болды.
Дурысында, бу соьзлерди 10 йылдынъ артында Россия Баьтири, террористлердинъ колыннан шынты йигит кепте ян берген дагестан полициясынынъ куллыкшысы Магомед Нурбагандов айтканы белгили. Соларды эндигиси Путин СВО катнасувшылары ман савлай элимиз оьктемсийди эм олар, бир затка да карамастан, армаган да оьз борышларын толтырсынлар, баьтир дагестанлы Магомед Нурбагандовтынъ йигитлигине тенъ болсынлар деген маьнеде кайтаралап айткан деп ойлайман. Маьнесининъ теренлигине коьре, сол соьзлерди мен 1941-нши йылда Москва туьбинде немец-фашистлерге карсы согысларда айтувлы панфилов дивизиясынынъ политругы, Совет Союзынынъ Баьтири Василий Клочковтынъ: «Россия уллы, ама кери тайгандай ер йок – артымызда Москва!» – деген соьзлери мен тенълестиремен.
Аьлиги бизим заманымызда болса, Нурбагандовтынъ бу соьзлери тек россия аьскершилерине тувыл, бизим уллы патшалыгымыздынъ сыйы кимге баалы, ким сонынъ оьрленгенин суьетаган баьри гражданларга да каратылган деп ойлайман.
М-А.Ханов.