Он йылдынъ артында Элимиздинъ йигит увылларынынъ бириси – Россия Баьтири Магомед Нурбагандов йигитлерше ян берди. Оьлеектен алдын йигиттинъ «Кардашлар, исленъиз!» деп айткан ызгы соьзлери кыянатлык пан куьресуьвди юритетаган онынъ
ис йолдасларына каратылган эдилер.
Караклар ман видеога язылган эм экстремистлик сайтына салынган соьзлер тек шакырув болып калмай, буьгилмеген куьш-куваттынъ, аьдилликке сенимнинъ белгиси де болды. Буьгуьнлерде, он йылдан сонъ, сол соьзлери савлай элимиз, айтпага, окоптагы рядовой аьскершиден алып, халклар ара трибунадан Президентимизге дейим айтылып келеди. Президент Владимир Путин Украинада согыс спецоперация юрген ерде оьз борышын толтыратаган аьскершилерге каратылып сол шакырувды оьз соьзинде коьп кере кулланып айткан. Бу йыл СанктПетербург каладагы халклар ара экономикалык форумынынъ пленарлык сессиясында Путин «Кардашлар, исленъиз!» деген.
Онынъ йигитлиги – тек тарих бети болып калмай, Элининъ коршалавында турган, аьдиллик уьшин куьрескен, ярык келеектегиге сенген аьр ким уьшин уьлги де болады. Магомед Нурбагандов акында эстелик оьлимсиз шакырув болып дайымга яшар.
Г.Нурдинова.