Россия Президенти Владимир Путиннинъ ПМЭФ-нынъ пленарлык кенъесинде Аталыгымыдынъ коршалавшыларына каратып айтканы «Исленъиз, йолдаслар!» деген канатлы соьзлер мен тамамланды. Кайдай уьйкен маьнеси бар бу соьзлердинъ
буьгуьнде! Не шаклы аьдемлерге олар яшавда тек «ярасык соьзлер» тувыл, ийги як шакырув эсабында анълавлы, неге десе сол канатлы соьзлер артында Россия Баьтири Магомед Нурбагандовтынъ оьз Эли, оьз йолдаслары, шынты баалыклар уьшин берилген яшавы турады.
Бу соьзлер, менимше, тек урыс майданларда элимиздинъ япсарларын коршалайтаган аьскершилерге тувыл, бизим баьримизге де каратылган: цехте ислейтаганларга, бизнес пен каьрлевшилерге, йол курувшыларга, инженерлерди окытатаганларга эм оьз
кыйыны ман элимиздинъ оьрленуьвине себеплигин тийгистетаган коьплеген баскаларга.
Шакырув эсабында бу канатлы соьзлер уьстинликлерге етиспеге ымтылыс тувдырады. Мысалы, соны шайытлайды ПМЭФ катнасувшысы ДР аькимбасынынъ куллыгын кесек заманга юритуьвши Федор Щукиннинъ айтканы, республикадынъ
форумнан алып келген проектлерин белгилеп. «Биз тек бар проектлер бойынша биргелес аьрекетимизди беркитип калмай, янъы исшен партнерлар ман танысып, уьйкен оьлшемли проектлерди яшавга шыгармага планлаймыз», – деди ол.
Л.Уразаева.