Ама бир куьн майды сатып алатаган туькенши ярлыдынъ шынтылыгына шекленип, оны тергемеге токтасады эм майды шегип карайды. Караса – майдынъ авырлыгы бир кило тувылды да, 900 грамм экен. Сол зат туькеншиди бек ашувландырады.

Эртенги куьн ярлы киси майын сатпага аькелгенде, ол: «Энди мага аькелме майынъды. Мен энди сеннен бир зат та сатып алмаякпан, алдаткыш. Сен мага тоьгерек майларынъ бир кило тартады деп айткансынъ, а олар 900 грамм болыпты экен. Мен оьзимди алдатпага бермен!».

Ярлы басын тоьмен салып, коьзлерин тоьмен туьсирип: «Ием, бизде шекки йок … Биз майды бир килолык секер мен оьлшейтаган эдик, секерди болса мен сизден сатып алганман. Сонынъ кутыгынынъ оьлшеми мен мен хатыным ман майды оьлшеп эдим», – деген. 
Эсинъде сакла, сенинъ оьлшеминъ мен сени де оьлшееклер!