Исламали Бальгишиев «Япсарсыз саният» фестивалининъ лауреатынынъ дипломы ман белгиленди.
Биринши Республикалык «Япсарсыз саният» яслар фестивали савлай Дагестаннан зейинли яс аьдемлерди йыйнады. Белгиленген шара ДР Маданият министерствосы ман уйгынланды.
«Яслар фестивали ден савлыгы ман байланыста аз амаллары болган яс аьдемлердинъ яратувшылык талапларын белгилев ниет пен озгарылды. Исламали Бальгишиев Куьнбатар авылынынъ яшавшысы. Ол йырламага бек суьеди. Янъыларда Терекли-Мектеб авылында Исламали Бальгишиевтинъ саваплык концерти болып озды. Бизим районымызда онынъ йырларын бек суьйип тынълайдылар. Ден савлыгы яктан аз амаллары болган аьдемлер яратувшылыкка куьш табатаганлары бек суьйиндиреди»,– деди «Яслык» яслар орталыгынынъ етекшиси Сафар Сарсеев.