Административли законодательстводы толтырувдынъ бас борышларынынъ бириси – аьр бир куьнали аьдем яваплыкка тартылмага керек. Административли правобузув бойынша ис толтырылган деп саналады, эгер сол кыянатлык эткен аьдем дембиге йолыктырылган болса.
Запись
Халкымыздынъ тарихин ызлап
«Кубань» деген тарих-географиялык терминине Краснодар крайынынъ уьйкен кесеги, Карашай-Шеркеш Республикасы, савлай Адыгея Республикасы, баска болып Ставрополь крайынынъ куьнбатар кесеги эм Ростов областининъ кубыласында уьйкен болмаган районы киреди. Регион топонимикасында оьз ызын калдырган, ногай маданиятынынъ кируьвин коьрсеткен ерлер бу макала уьшин айырым маьнелиги бар. Бу макалада калмыклардынъ токтавсыз шапкынлык этуьвлериннен сонъ (XVII-XVIII оьмирлерде) ногайлардынъ Кобан бетлерге келуьв шагы коьрсетиледи. Сол заманларда куьнтувар славянлардынъ топонимлери кепленип баслайдылар.
Запись
Окувшылар ман йылы йолыгыс
Дагестан Республикасынынъ Расул Гамзатов атындагы китапханасынынъ яслар орталыгы, Дагестаннынъ Язувшылар союзынынъ правлениеси мен биргелесип, республика окувшылары эм студентлери арасында «Яшав йолы бойынша китап пен» деген шарасын озгарадылар.
Запись
Маьнели эм кызыклы оьзгерис
Дагестан Аькимбасынынъ куллыгын юритуьвши Владимир Васильев канътар айдынъ 13-нши куьнинде республикамыздынъ коьлем информация амалларынынъ ваькиллери мен коьристи. Махачкала каласында Дослык уьйинде баспа, электрон, телевидение органларынынъ етекшилери йыйналдылар. Келген конакларды хош алып, оларды кеспи байрамы ман кутлай берип, республика басшысы аьлиги заманда Дагестанда болаятырган туьрленислерге СМИ оьз уьлисин косатаганын белгиледи.
Запись
Келиссиз кылыклардынъ бириси
Маьселе_______________
Ногай халкымызда бир аьруьв айтув бар: «Балалы уьй – базар, баласыз уьй – мезар». Алладынъ энъ ийги дегенлерининъ бириси – балалар. Оларга карап суьйинемиз, куьезленемиз, бизим яшавымызга олар айырым бир саьвле бередилер. Тек мен буьгуьн айтаягым баска зат акында.
Запись
Енъуьвшилер белгиленди
Озып кеткен йылдынъ ызгы куьнлеринде «Аьел окувлары» проектин яшавга шыгарув ниет пен Савлайроссиялык «Окыйтаган ана – окыйтаган эл» конкурсы савлай Россия бойынша озды. Кадрия атындагы мектебинде бу конкурс эки кезекли болып оьтти. Конкурста 17 ана катнастылар, шарады мектеб китапхана куллыкшысы М.Межитова уйгынлаган. Жюри сырасында Ногай патшалык театрынынъ директоры Б.Джумакаев, Кадрия атындагы мектеб директоры А.Акимова, окытувшылары З.Оракова, Э.Абубекерова, балалар китапхана методисти М.Янгишиева аьр бир катнасувшыга тийисли баа бердилер.
Запись
Аьеллерди коьтергишлев ниетте
РФ Президенти В.В.Путин балалар тувувын коьтергишлев ниетте саьбийлердинъ кызыксынувында Миллет стратегия аьрекетин яшавга шыгарув бойынша Координационный советининъ кенъесинде 2018-нши йылдынъ январь айыннан алып Россия аьеллерин коьтергишлевининъ сыдыра янъы амалларын яшавга шыгарып басламага маслагат этти.
Запись
Авыл хозяйстводы оьрлендируьвге – 3,5 миллиард маьнет
Дагестан Республикасында «Пайдалы агропромышленный комплекс» деп аталган приоритетли проектти яшавга шыгарув аьрекети Дагестан АПК-ининъ айлак та оьткир маьселелерин шешуьв уьшин куьшлерди эм ресурсларды йыйыстырмага амал береди.
Запись
Кыска янъылыклар
Илгериге белсенли абыт
Уьстимиздеги 2018-нши йылда Дагестаннынъ уьш уьйкен эт комбинатлары, айтпага: «Агросоюз», ООО «Кизляр Урицкий мясокомбинат» эм Махачкаладагы эт комбинаты Иран Республикасына 7 мынъ тонна кой эт экспортка айырмага ниетленедилер. Белгиленген комбинатлар ман сосы куллыктан тура келисуьвлерге кол басылган.
Запись
2018-нши йыл – Россияда волонтерлар йылы
Бир неше йыл узагына Россияда аьр бир йыл кайдай болса да бир темага, оьзгериске багысланады. Йыл багысланаяк темады сайлавга уьйкен эс этиледи. Солай ок сосы тема элимиздеги социаллык эм ямагат яшавга демевлик этеди. Озган 2017-нши йыл элимизде Экология йылы эди, эм сосы йыл экологиялык маьселе мен байланыста туьрли шаралар озгарылды, парклар ашылды эм баска куллыклар этилинди. Янъы 2018-нши йыл элимизде «волонтер эм доброволец» йылы деп РФ Президенти В.В.Путин «Форум добровольцев» деп аталган Савлайроссиялык йыйында билдирди.
