Данъклы куьнлер________________________
27-нши январьде Ленинград каладынъ курсавы тайдырылганына 74 йыл толады. Бу курсав Уллы Аталык согысынынъ энъ де кайгылы эм коркынышлы бетлерининъ бириси. Ленинградка немец-фашист аьскерлери оьз курсавын 1941-нши йылдынъ 8-нши сентябринде салганлар эм ол тек 1944-нши йылдынъ 27-нши январинде совет аьскерлерининъ куьши мен тайдырылган.
Оьткен йылдынъ 4-нши сентябриндеги Россия Федерациясынынъ Оькиметининъ распоряжениесине коьре «Заявочный комитет ЭКСПО-2025» деген коммерциялык тувыл автономлы организациясы ман Екатеринбург калады 2025-нши йылда Савдуныялык ЭКСПО выставкасын оьткеруьвге ыхтыяр алувга коьрсетуьв мен байланыслы шараларды аьзирлев эм оьткеруьв бойынша куллык юритиледи. РФ Оькиметининъ сондай карарына коьре Россия Федерациясынынъ Оькиметининъ Председателининъ орынбасары А.В.Дворковичтинъ етекшилиги мен «ЭКСПО-2025» деп аталган уйгынлав комитети туьзилген. Екатеринбург калады сондай ыхтыярды алувга коьрсетуьвди Россия Президенти Владимир Путин эм РФ Оькиметининъ Председатели Дмитрий Медведев хош коьргенлер.
«Шоьл тавысы» республикалык газетасынынъ биринши номерлери де Сургут районына дейим еттилер. Ана тилинде газетадынъ бар болганы, ногай халкымыздынъ арасында оьтетаган оьзгерислерди билип турув бизди бек суьйиндиреди. Бу газета тек Ногай районында тувыл, буьгуьнлерде, газетадынъ бас редакторы Эльмира Кожаевадынъ эм республика бойынша ямагат-политикалык «Шоьл тавысы» газетасынынъ куллыкшыларынынъ куьши мен бизим округымызда да яйылдырылып басланды.
Газетадынъ редакциясына келеекте де бийик оьрленуьвлерди йораймыз.
Авылдасымыз акында ____________________
Аьр кеспидинъ де оьз сырлары да, кыйынлыклары да бар. Тек исин суьйип бардырган аьдемге олар да буршав бермейдилер.
Полиция куллыкшысынынъ ис борышлары – боьтен де енъиллерден тувыл. Кыянатлыклардынъ алдын шалув, тынышлы гражданлардынъ ыхтыярларын яклав, тыныш болмаган аьлге туьскенлерди коршалав – олардынъ ислерининъ бас борышлары. Сол алдына салынган борышларды бир иркуьвсиз яс полиция куллыкшысы Азамат Аджигельди увылы Тунгатаров участковый орынында бардырып келеди. Азаматтай ясларга карап, яс болса да, исин намыслы, йигерли кепте толтырады деп айтпага болады.
18-нши март – Сайлавлар куьни ___________________
Быйыл 18-нши мартта Россия Президентин сайлавлар ман байланыста «Ногайский район» МО администрациясынынъ аькимбасындагы ясуьйкенлер, район ветеранлар, хатын-кызлар, район ямагат советлерининъ эм Ногай район территориаллык сайлав комиссиясынынъ биргелес йыйыны болып оьтти.
Янъыларда «Ногайский район» МО администрациясында ДР-нынъ «Дагестан Республикасында дин организациялары ман биргелес аьрекет этуьв эм олардынъ 2017-нши-–2019-ншы йылларга оькимет яклавы» патшалык программасын яшавга шыгарув ман байланыслы болып, дин эм политикалык экстремизмнинъ яйылувына карсы аьрекет этуьв бойынша дин биригуьвлери мен (организациялары ман) биргелес аьрекет этуьв бойынша тоьмендеги сырасы ман комиссия туьзилген:
Административли законодательстводы толтырувдынъ бас борышларынынъ бириси – аьр бир куьнали аьдем яваплыкка тартылмага керек. Административли правобузув бойынша ис толтырылган деп саналады, эгер сол кыянатлык эткен аьдем дембиге йолыктырылган болса.
«Кубань» деген тарих-географиялык терминине Краснодар крайынынъ уьйкен кесеги, Карашай-Шеркеш Республикасы, савлай Адыгея Республикасы, баска болып Ставрополь крайынынъ куьнбатар кесеги эм Ростов областининъ кубыласында уьйкен болмаган районы киреди. Регион топонимикасында оьз ызын калдырган, ногай маданиятынынъ кируьвин коьрсеткен ерлер бу макала уьшин айырым маьнелиги бар. Бу макалада калмыклардынъ токтавсыз шапкынлык этуьвлериннен сонъ (XVII-XVIII оьмирлерде) ногайлардынъ Кобан бетлерге келуьв шагы коьрсетиледи. Сол заманларда куьнтувар славянлардынъ топонимлери кепленип баслайдылар.
Дагестан Республикасынынъ Расул Гамзатов атындагы китапханасынынъ яслар орталыгы, Дагестаннынъ Язувшылар союзынынъ правлениеси мен биргелесип, республика окувшылары эм студентлери арасында «Яшав йолы бойынша китап пен» деген шарасын озгарадылар.
Дагестан Аькимбасынынъ куллыгын юритуьвши Владимир Васильев канътар айдынъ 13-нши куьнинде республикамыздынъ коьлем информация амалларынынъ ваькиллери мен коьристи. Махачкала каласында Дослык уьйинде баспа, электрон, телевидение органларынынъ етекшилери йыйналдылар. Келген конакларды хош алып, оларды кеспи байрамы ман кутлай берип, республика басшысы аьлиги заманда Дагестанда болаятырган туьрленислерге СМИ оьз уьлисин косатаганын белгиледи.
