Хасан Булатуков тувганлы 110 йыл толды
Ногай адабиатынынъ негизин салувшылардынъ бириси, белгили политикалык аьрекетши Хасан Шахимович Булатуков ногай маданиятына белсинли косым эткен. Ама 1937-нши йылда ол язалавга ушырап, дуныядан тайды, дурысын айтканда, оны тайдырганлар. Эм коьп заманга дейим Хасан Булатуковтынъ аты да айтылмай, эткен ислери де билинмей, язган шыгармалары да коьринмей турдылар.
Ногай районынынъ авылларында Билим куьнине багысланган савлай район бойынша субботник уйгынланып оьтти.
«Ногайский район» МР аькимбасы Мухтарбий Аджековтынъ белгилеви мен, субботникке деп йыйылганлар Билим куьнине балалар тек таза классларына барып калмай, барган йоллары да таза болсын деп, тоьгеректи йыйнамага шыктылар. Оьз балалары, уныклары уьшин Ногай районынынъ яшавшылары колларына казгыр, тырнавыш алып иследилер. Курыган бутакларды кестилер, бордюрларды, фасадларды акладылар, сыпырдылар, каздылар эм йыйнадылар.
«Ногайский район» МР Депутатлар йыйынынынъ председатели Руслан Насыровтынъ белгилеви мен, субботникке балаларынъыз уьшин шыгынъыз деген уйгынлавшылардынъ шакырувы, Терекли-Мектеб авыл яшавшыларын тез йыйды.
- Мектеблердинъ азбары, олардынъ тоьгерегиндеги ерлери, ога баратаган коьлик йоллары, аьдем юруьв сокпаклары байрамга аьзирленди. Не зат этсек те биз балаларымыз уьшин аьрекетлеймиз. Материаллык онъайлыкларыннан баска болып, биз кайбир заманларда балалардынъ тоьгерек ягындагы ярасык пан сукланатаганы акында мутамыз. Тоьгерек ыспайы болган саялы, бала да таза, ярасык болаягына соьз йок.
Субботникте ортакшылык эткенлердинъ баьрисине де уьйкен разылыгымды билдиремен, - дейди Р.Насыров.
Туьрленислер акында
Заман биревге эм бир затка бойсынмайтаган куьшли зат. Ай артыннан ай авысып, быйылгы йылымыз да ызына йылысып барады. Заман-заманы ман биз, аьдемлер, оьзимиздинъ яшавымызга, ис аьрекетимизге белги берип, кайбир сырагыларды да келтиремиз. Тап соьйтип биз тек оьзимиздинъ тувыл, оьз районымыздынъ, республикадынъ яшавына, аьрекетине, оьрленуьвине эс бермей болмаймыз. Ол солай да болмага керек.
6-8 сентябрьде Карабудахкент районынынъ Уллубийаул авылынынъ «Куьнли яга» савлыксаклав лагеринде яслар уьшин «Медиа-поколение» Коьлем информация амалларынынъ фестивали оьтеди. Форумда балалар эм яслар газеталарынынъ эм журналларынынъ редакторлары, телеберуьвлердинъ редакторлары, балалар-яслар СМИ бойынша специалистлери, язувшылар, власть органларынынъ эм ямагатлыктынъ ваькиллери, белгили журналистлер, журналистика эм адабиат бойынша яратувшылык биригуьвлерининъ етекшилери, педагоглар, китапхана куллыкшылары, ата-аналар, яс журналистлер эм окувшылар катнасадылар. Фестивальдинъ сыйлы конаклары «ЮНПРЕСС» Савлайроссиялык яратувшылык биригуьвдинъ, ДР Илми эм билимлендируьв Министерствосынынъ ваькиллери, ДГУ-дынъ журналистика боьлигининъ преподавательлери эм студентлери боладылар.
В столице региона начинает работу проект по организации платных муниципальных парковок. Паркоматы в пилотном режиме были установлены на территории, прилегающей к прилегающей к городскому рынку №2 в конце прошлого года.
Сегодня проект полностью готов к запуску. С самого утра на ул. Батырая состоялось выездное совещание работников городской администрации. В нем приняли участие директор Городской аварийно-ремонтной службы Магомеднаби Магомедов, начальник Управления торговли, потребительского рынка и услуг Гаджимурад Абакаров, врио начальника Управления общественной безопасности и противодействия коррупции Бадрудин Магомедов, Заместитель начальника отдела дорожного хозяйства Управления промышленности, транспорта, связи и дорожного хозяйства Ахмади Рамазанов, представители ОГБДД УМВД по г. Махачкале.
На совещании было принято решение начать работы по нанесении дорожной разметки на те участки улицы, которые определены под парковочные зоны в ночное время, чтобы не создавать заторы на дорогах.
Начальник отдела по работе с нестационарными торговыми объектами Управления торговли, потребительского рынка и предпринимательства Гайдар Алиев отметил, что с раннего утра на территории, прилегающей к рынку, был организован рейд под руководством начальника Управления торговли, потребительского рынка и предпринимательства Гаджимурада Абакарова по пресечению несанкционированной уличной торговли с автотранспорта.
В случае, если к началу работ, на месте останется припаркованный транспорт, его при помощи эвакуаторов вывезут за пределы города.
В ближайшие дни платить за право оставить свой автомобиль в центре города скоро придется на ул. Джержинского – от Коркмасова до Батырая, на Батырая – от Дзержинского до ул. Толстого на обеих сторонах улицы и на ул. Толстого – от Батырая до Коркмасова со стороны, прилегающей к рынку.
Паркоматы установлены на улицах Батырая и Толстого.
Внести денежные средства можно будет при помощи банковской карточки и SMS-сообщения, будет рассмотрена возможность внести деньги через платежные терминалы, расположенные неподалеку от паркоматов.
К регулировке системы парковки привлечены волонтеры и представители городской мэрии. Сегодня специалисты Городского молодежного центра под руководством директора Радика Абдулкеримова раздавали памятки водителям с оповещением о запуске системы платной парковки и ознакомлением со способами оплаты.
Коьплеген йыллар Ногай патшалык драмалык театрын Дагестан Республикасынынъ халк артисти, ДР патшалык баргысынынъ лауреаты Байсолтан Атагиши улы Джумакаев етекшилейди. Сол йыллардынъ ишинде театр уьстинликлерге етисип, каравшыларды ийги салынган спектакльлер мен сукландырган.
Янъыларда театр артистлери Каспий бойындагы эллердинъ халклар ара биринши театр фестивалинде катнастылар. Театрга алаллык уьшин медальди Байсолтан Джумакаевке Туьрк организациясы атыннан Дюйсен Кайсенов тапшырды. Солай ок фестивальдинъ уйгынлав комитетининъ председатели Нурнияз Муханов зейинли режиссерга фестивальдинъ куьмис белгисин савгалады.
Ак юректен бу баргы ман Байсолтан Атагиши улы Джумакаевти кутлаймыз эм ога, онынъ коллективине аьли де коьп бийикликлер сагынамыз.
Г.Бекмуратова.
Суьвретте: Б.Джумакаевке баргы тапшырув мезгили.
Оьз ойын айтады
Азан деген соьз аьр куьн ногайымыздынъ куьнле-куьнлик яшавында кулагымызга шалынып турады эм буьгуьн де тувыл, халкымыз мусылман динин туткан заманлардан алып. Азан сеси шыккан заманда кайсы ногай да намаз кылмага заман келгенин биледи. Куьн сайын бес кере намыз кылув – аьр мусылман аьдемнинъ асыл борышы. Бу йорыкты бек дурыс коьремиз эм балаларымыз кишкейден алып мусылманлык эдабына уьйренгенине суьйинемиз.
Ийгилик эт эм сувга тасла, балык билер деген халк соьзи бар. Соьйтип, янъыларда баьримиз де бир ийгилик этилингенине шайыт болдык. 2017-нши йылдынъ 22-нши августында Россия МВД Ногай районы бойынша иш ислер боьлигине аьризе мен Карагас авыл яшавшысы Джамиля Амет кызы Оразбаева, 1972-нши йыл тувган, келген. Онынъ айтувына коьре, ол Терекли-Мектеб авылынынъ Эдиге орамында телефон бойынша мастерскойы янында 70 мынъ маьнет акша тапкан.
Полиция куллыкшылары сол акшадынъ иесин излев бойынша керекли амаллар алдылар. Соьйтип, полицейскийлердинъ куллык этуьви мен акшадынъ иеси Ногай районынынъ Шуьмлелик авыл яшавшысы Муртузали Али улы Магомедов, 1970-нши йыл тувган, деп аянланган. 25-нши августта акша иесине берилген.
Биз сондай намыслы, таза ниетли гражданларымызга савбол айтамыз.
А.Койлубаев, Россия МВД Ногай районы бойынша иш ислер боьлигининъ етекшиси.
Ногай район энерготармакларына электроярыкты кулланганы уьшин акын тоьлев бойынша борышлы деп саналатаганлардынъ 85 проценти борышларын тоьлегенлер деп билдиреди район энергетиклери.
Сога район авыллары бойынша энергетиклер токтавсыз юритетаган рейдлер эм информация шаралары ярдам болган. Айтпага, быйыл июль айында энергетиклерге борышлары уьшин абонентлердинъ электроярык пан канагатланувын токтатувга 212 аьризелер туьскен. Борышлы болган потребительлердинъ тоьленмеген борышларынынъ ортак оьлшеми 1,5 миллион маьнет акшадан да арткан. Уьйлерине келетаган электроярыгын соьндируьвге киргистилген абонентлер сырасыннан 176 абонент кулланылган киловаттлары уьшин 1 миллион 139 мынъ маьнет акша тоьлегенлер. Яшавшылар саны 20 мынънан артык болган муниципалитет уьшин ол аьруьв коьрсетим. Баьриси бирге оькиметке кулланылган электроярык уьшин 543 мынъ маьнет акша борышлы болган 36 потребительлердинъ уьйлерине электроярык йиберуьв токтатылган.
Электроярыкты эсаплавсыз кулланувга карсы куьрес – ол Ногай РЭС энергетиклерининъ куллыгында тагы да бир ис йолы. Бу маьселеге энергектиклер июль айында уьйкен маьне бергенлер. «Токта, энергияды урлавшы!» деп аталган акция эсабында ыхтыяр саклавшы органларынынъ куллыкшылары эм район администрация ваькиллери мен бирге Ногай районынынъ баьри абонентлерининъ 90 проценти тергелген. Электроярыктынъ 80 мынъ киловаттын эсаплавсыз кулланганы уьшин 19 актлар туьзилген, солардынъ уьшеви – юридический секторындагы абонентлер болады.
Рейд шаралары юритилип турган аьсерде уьш юзге ювык потребительлер листовкалар алган. Соларда электроярыкты урлайтаганларга карсы кайдай шаралар кулланылатаганы акында тийисли информация ерлестирилген. РФ КоАП пан келисли кепте, физический лицолар уьшин штрафтынъ оьлшеми 10-15 мынъ маьнет, ис орынындагы лицолар уьшин – 30-80 мынъ маьнет яде бир йылдан эки йылга дейим дисквалификация этуьв дембиси, юридический лицоларга – 100-200 мынъ маьнет акша. Акты заманында тоьлемегени уьшин пеня косылады. Сол себептен, электроярыкты кулланганы уьшин тийисли акын заман-заманы ман тоьлегеннен онъайлы зат йок.
Дагестан Республикасынынъ Оькиметининъ Председателининъ биринши орынбасары А.Карибовтынъ буйрыгын толтыра келип билдиремиз, 2017-нши йылдынъ коькек айынынъ 17-нши куьниннен алып карагыс айынынъ 5-нши куьнине дейим Яслар ислери бойынша федераллык агентствосы ман биргелес «Роспатриотцентр» ФГБУ «Доброволец России-2017» деп Савлайроссиялык шара озгарады.
Шарадынъ бас мырады – Россия элинде яслар арасында волонтер ислерининъ негизли йорыкларын оьрлендируьв. Сол шара ишинде волонтерлардынъ проектли ислери де колтыкланаяк, яслар лидерлерининъ элди оьрлендируьв уьшин эткен ислерин де басламага амаллар берилеек.
Шара 20 туьрли номинациялар бойынша оьткериледи. Шарада туьрли волонтер, ямагат организациялары (катнасаяк куьплерде 18-30 ясындагы яслар болмага керек) катнаспага боладылар. Солай ок, шара ишинде «Российское движение школьников» деген Ортакроссиялык ямагат-патшалык оьспир организациясы «Юный доброволец» номинациясы бойынша айырым шарасын да оьткереди. Мунда 17 яска дейим яслардынъ катнаспага ыхтыярлары бар. Шарадынъ шартлары ман «Российское движение школьников» сайтында, https://рдш.рф адреси мен таппага боласыз.
Шарадынъ регионаллык кезегинде катнаспага суьйгенлер http://добровольцыроссии.рф адреси мен кирип, тийисли борышларды оьтпеге керек болады. Катнаспага суьйгенлер алгасанъыз. Сизде баьри амаллар да, мырсатлар да бар.
