Ногай районынынъ баьри выпускниклери де аттестат алув уьшин талаплайтаган 2016-ншы эм 2017-нши окув негизли предметлери орыс тил эм математикады етимисли бердилер. Билимлендируьв управлениесининъ етекшиси К. Отегеновадынъ белгилеви мен бу йыл ишинде «Окувда айырым етимислер уьшин» 21 окувшылар тийисли болдылар. 

Тек бир Кадрия атындагы мектебиннен бу йыл «окувда йогары етимислери уьшин» деген медалине 6, Куьнбатар авыл мектебиннен 4, Джанибеков атындагы мектебиннен 3 выпускниклер тийисли болдылар. 

Нариман авыл орта мектебинде -3, Червленные Буруны мектебинде 2, Батыр-Мурза, Карагас эм Кумлы авыллар мектеблериннен 1 окувшыларына  медальлери тапшырылганлар. Район бойынша 8 мектебиннен 21 окувшылар медальлер иелери болдылар. Олар Ахмат Байгишиев, Юлия Абдулсаметова, Дженнет Янгишиева, Саида Бекмурзаева, Балбийке Манкаева, Изумруд Шавгараева, Лейла Адильгереева, Алтынай Савкатова боладылар. Баска болып, медаль иелерининъ сырасына Гюзель Казманбетова, Кадрия Межитова, Алия Куруптурсунова, Юлдуз Байгараева, Динара Елманбетова, Айсанет Аблезова, Земфира Нурманбетова, Диана Арсланова, Аида Джумалиева, Таисия Азизова, Диана Култаева, Аксанет Нукова, Кабират Арунова киргенлер.

Мысалы Кадрия атындагы мектебинде бу йыл медальшилерден баска, мектеб выпускниклерининъ ЕГЭ-динъ йогары тамамлары ман оьктемсимеге болады. Соьйтип орыс тилиннен 6 окувшылар 80 балл, эм бир окувшы 98 балл алганлар. Базовый математикадан 11 выпускниклер 5 белгисине ,7 окувшылар 4 белгисине тийисли болганлар. Профильлик предметлери бойынша да билимнинъ йогары оьлшеми коьрсетилди.11-нши класс выпускниги Юлия Абдулсаметова да англис тили эм тарих предметиннен 91, обшествознаниеден 90 балл алган. Выпускник Ахмат Байгишиев профильлик математикадан 76 эм обществознание бойынша 82 балл алган. Баска болып бир неше выпускниклер ортак рейтингте йогары орынды алганлар Тамерлан Кусепов, Лейла Койлыбаева, история бойынша 79 эм 75 балл алганлар, Дженет Янгишиева химиядан 73 балл алган.  ЕГЭ-динъ йогары тамамлары эм мектеб предметлери бойынша ортак аьзирлик коьруьви выпускниклерге элимиздинъ йогары окув ошакларына туьспеге демевлик этти. Янъыларда выпускник Юлия Абдулмсаметова М.Ломоносов атындагы Москва каласынынъ патшалык университетининъ юристлик боьлигине туьскени белгили болды. Ол обществознаниеден косымша туьсуьв сынавын бес белгисине берип, бюджет боьлигине ортак ярысы бойынша туьсти. Баска выпускниклерге де элимиздинъ мундай йогары окув ошаклары,айтпага, Губкина атындагы газ эм нефть бойынша РГУ, СГЮА, КубГУ, Сур ГУ, йогары медициналык окув ошакларына туьспеге амал болды. 

Сырт Кавказ ясларынынъ «Машук-17» деген форумында Дагестан Республикасынынъ куьни оьтти. Дагестан форумынынъ майданы 9 муниципалитетлери мен эм олардынъ аьр бирисининъ айырым маданият баскалыклары ман коьрсетилди.

Усталар оьзи мен аьдеттеги саниятынынъ ийги уьлгилерин, айтпага, Балхар авылыннан хужожестволык керамикасын, оьмирлер бойы дагестан кыскаяклырынынъ кийимининъ кесеги болып келген кубачи ярасыклавларын, кол ман согылган белгили табасаран кийизлерин аькелген эдилер, - деп хабарлайдылар дагестан делегациясынынъ агзалары.

Кизляр районынынъ экспозициясы казаклардынъх яшавы, маданияты, аьдетлери, уьйшилиги акында хабарлады. Айырым эс 16-ншы оьмирде Кизляр районынынъ Крайновка эм Александрия авылларынынъ ортасында орынласкан «Терки» деген агаш кала-беркитпесине берилди. Кизляр делегациясынынъ катнасувшылары миллет кийимлери мен выставка конакларын оьтпек эм туз бан йолыктылар.

Кизляр районы уйгынлаган выставкасында уьйкен кызыксынув ман тек форум катнасувшылары тувыл, Республика етекшилеви де ортакшылык эттилер.

Сыйлы конаклардынъ арасында РД Оькиметининъ председателининъ биринши орынбасары А.Карибов, ДР яслар ислери бойынша министрининъ орынбасары М.Маликов, Дзюдо бойынша олимпийский чемпионы М.Исаев, Рио-да Олимпийский ойынларынынъ ез призеры И.Саидов бар эдилер. «Машук-2017» деген форумы Пятигорск каласында 5-нши августтан 19-ншы августка дейим озгарылаяк. Онда 2 мынънан артык аьдемлер,  сонынъ ишинде шет эллериннен де конаклар ортакшылык этееклер. Аьр куьн сайын форумда регионлар куьнлери де уйгынланаяклар.

Кизляр районынынъ ваькиллери муниципалитеттинъ аькимбасы А.Погореловтынъ демевлик этуьви мен яслар майданынынъ катнасувшылары болдылар.

Э.Алханова.

СМИ

Республики Дагестан

Общественно-политическая организация

Национально-Освободительное Движение

Центральный штаб НОД г.Москва

Илюхина Дмитрия Николаевича

тел. 8-905-110-47-14,

email: nod.495@yandex.ru

Обращение

Дорогие друзья, 12.06.2017года из г. Магадана, взял свое начало всероссийский благотворительный автопробег «Большая Россия» Магадан - Донецк - Москва, организованный Национально- Освободительным Движением России (НОД) и проходящий в духе единства, солидарности и согласия большого и дружного российского народа. 

Маршрут автопробега включает в себя 70 городов России.Цель автопробега поистине большая и разносторонняя, это и сбор гуманитарной помощи нашим страждущим согражданам в Донецке и Луганске, это и символичное объединение многонационального российского народа в границах России 1945-1991годов, это и освещение предстоящего Общероссийского Референдума и конечно поддержка Президента РФ Путина В.В. в борьбе за суверенитет России.

На момент начала автопробега 12.06.2017г. с добрыми пожеланиями к его участникам обратился Губернатор Магаданской области Печеный В.П. и мэр города Магадана Гришан Ю.Ф., также радушный прием оказали администрации Губернатора Саха-Якутии, Амурской области, Забайкалья, Бурятии, Иркутской области, Красноярского и Алтайского краев, Новосибирской, Омской, Тюменской, Курганской, Челябинской областей, Республики Удмуртия, Свердловской, Пермской областей, Республики Башкортостан, Республики Марий Эл, Нижегородской области, Республики Мордовия, Пензенской и Волгоградской областей, Республики Калмыкия и Астраханской области.Во всех регионах прошли пресс-конференции с участием представителей администраций и региональных СМИ, установлено тесное взаимодействие со всеми ВГТРК по маршруту следования автопробега.

Дорогие друзья, очень надеемся на Ваше доброе
расположение и поддержку, столь значимого для всей России автопробега. Предположительно автопробег будет в Махачкале12 августа 2017г. Для более точной информации по времени прибытия автопробега контакты координатора НОД в г.Махачкале8(928)520-01-82НадыровНадыр Русланович(см. видео https://youtu.be/DcNB-1LZzW8, https://youtu.be/CLAE6NOoHqw, более подробно автопробег освещается на сайте ВКОНТАКТЕ – «АВТОНОД»)

С искренним уважением Илюхин Д.Н.

Россия Федерациясынынъ Генеральный прокуратурасынынъ Правовой статистика эм информациялык технологиясынынъ бас управлениеси бу йылдынъ биринши яртысына Россиядынъ туьрли субъектлеринде кыянатлыктынъ рейтингин келтирген. Элде кыянатлыктынъ аьли акында билдируьвлер ведомстводынъ сайтында баспаланган.

Сол билдируьвлерге коьре, Сырт-Кавказ федеральлик округында законга тынълавлы аьдемлер яшайтаган энъ де кавыфсыз регионлар – Россияда савлайы кыянатлыклар ишинде кыянатлык дережеси 8,9% болган Чечня эм криминогенлик дереже 10,2% болган Дагестан.

Тенълестируьв уьшин: бу сырада биринши орынды Москва алады. Мунда Россия еринде болган кыянатлыклардынъ 51,7% проценти регистрацияланган, экинши орында Санкт-Петербург – 41,7%. Кыянатлыктынъ  йогары дережеси солай ок Воронеж, Челябинск областьлерде эм Тувада белгиленген.

Уголовлык кыянатлыклардынъ арасында энъ де йыйы тентеклик(68%) эм тонавлар (43%) йолыгады.

 Солай ок кыянатлыклардынъ аьр бир экиншисин Россияда алдын суд кесилгенлер этедилер.

Оьткен куьнлерде Дагестан Республикасынынъ предпринимательство эм инвестициялар бойынша агентствосында республика агентствосы ман «Сбербанк России» Публичный акционер ямагаты арасында ис катнасувлар акында келисуьв туьзилген.

Документке Агентство етекшиси Башир Магомедов эм Сбербанк ПАО Кубыла-Куьнбатар банкынынъ 8590-ншы номерли Дагестан боьлигининъ управляющийи-председатели Дмитрий Артемов кол басканлар. Бу шарада Светлана Силантьева – РГС Кубыла-Куьнбатар банкынынъ клиентлери мен куллык юритуьв бойынша управление директоры, Антон Надькин – РГС Кубыла-Куьнбатар банкынынъ клиентлери мен куллык юритуьв бойынша регионаллык менеджери, солай ок Кямран Ярахмедов – РГС Дагестан боьлигининъ клиент менеджерлер секторынынъ начальниги ортакшылык эткенлер.

Документке кол басувды тамамлай келип, Башир Магомедов Советлер заманыннан сонъ биринши кере инвестициялар эм предпринимательство тармагындагы республикалык йорыкластырувшыдынъ элимиздинъ уьйкен деген банкы ман биргелес ис катнасувы аян болып баратаганын эм республикадынъ киши эм орта бизнес субъектлерин кредитлер мен канагатлавга онъайлы аьллерди туьзуьвге каратылган биргелес куллык бойынша айырым ниетлерди белгилейди деп билдирген. Аьр кимге де алмага енъил болатаган кредит ресурсларынынъ йоклыгы тармакты оьрлентуьвдинъ бас маьселелерининъ бириси болган. «Келисуьвге кол басув Агентство алдында Россия Сбербанкы белгилеген стандартлар ман келисли кепте коьрсетилетаган бизнес проектлерининъ документациясын аьзирлев куллыгын кайтадан туьзуьв бойынша борышты салады.

Биз соны анълаймыз, эм биз сога аьзир», – деп белгилеген ведомство етекшиси.

 «Келисуьвге кол басув – ол бизим ис катнасувымыздынъ тек биринши абыты. Аьли танъла ок биз ийги келеектегиси бар проектлерди карастырув ман каьр шегеек исши туьркимин туьземиз», мине сондай соьзлер мен баслады оьз соьзин Дмитрий Артемов. Соло к заманда ол эки структурадынъ уьстинликли биргелесип аьрекетлевининъ керекли шарты деп тийисли федераллык эм республикалык туьзилислерининъ гарантия беруьви болады деген.

Дагестан Аькимбасы Рамазан Абдулатипов быйылдынъ ызгы доьрт айлары ишинде Политикалык эм экономикалык коммуникациялар агентствосы (АПЭК) ман туьзилген Россия Федерациясынынъ субъектлерининъ аькимбасларынынъ рейтингинде 34-нши орынга коьтерилген.

Быйыл апрель айында республика етекшиси сол ок рейтингте 76-ншы орынды, май айында – 68, июнь айында – 58, а ызгы, июль айы уьшин рейтингте – 42-нши орынды бийлеген.

«ДР Аькимбасы Рамазан Абдулатипов (42-нши орын) оьзининъ политикалык орынын барганнан-барган сайын оьстире береди. Ол басшылык этететаган регионда элиталар ман туьзилген аьл заьлимдей ийгиленген», – деп белгилейди АПЭК специалистлери.

Россиядынъ энъ де абырайлы губернаторлары акында рейтинг сырагыларына таянатаган экспертлер сорастырувы тергевлер тармагында, сонынъ санында политикалык, рейтинг эм регионаллык, солай ок ямагат коммуникациялар эм медиа-проектлер тармакларында куллык этетатаган россия компаниялар специалистлери мен ябык анкетирование кебинде оьткериледи.

Июль айында сонда 26 экспертлер: политологлар, политехнологлар, меадиэкспертлер, журналистилер катнасканлар. Бас деп экспертлердинъ аьр бириси анкетада коьрсетилген аьр бир кандидаттынъ абырайына белги бередилер, оннан сонъ эксперт белгилерининъ орта арифметикалык белгиси коьрсетилинеди.

Тамамлав рейтинги россия экспертлер ямагатынынъ етекшилери мен Россия регионларынъ баьри аькимбасларынынъ сый-абырайынынъ косылма белгиси болады.

Дагестан Аькимбасы Рамазан Абдулатипов быйылдынъ ызгы доьрт айлары ишинде Политикалык эм экономикалык коммуникациялар агентствосы (АПЭК) ман туьзилген Россия Федерациясынынъ субъектлерининъ аькимбасларынынъ рейтингинде 34-нши орынга коьтерилген.

Быйыл апрель айында республика етекшиси сол ок рейтингте 76-ншы орынды, май айында – 68, июнь айында – 58, а ызгы, июль айы уьшин рейтингте – 42-нши орынды бийлеген.

«ДР Аькимбасы Рамазан Абдулатипов (42-нши орын) оьзининъ политикалык орынын барганнан-барган сайын оьстире береди. Ол басшылык этететаган регионда элиталар ман туьзилген аьл заьлимдей ийгиленген», – деп белгилейди АПЭК специалистлери.

Россиядынъ энъ де абырайлы губернаторлары акында рейтинг сырагыларына таянатаган экспертлер сорастырувы тергевлер тармагында, сонынъ санында политикалык, рейтинг эм регионаллык, солай ок ямагат коммуникациялар эм медиа-проектлер тармакларында куллык этетатаган россия компаниялар специалистлери мен ябык анкетирование кебинде оьткериледи.

Июль айында сонда 26 экспертлер: политологлар, политехнологлар, меадиэкспертлер, журналистилер катнасканлар. Бас деп экспертлердинъ аьр бириси анкетада коьрсетилген аьр бир кандидаттынъ абырайына белги бередилер, оннан сонъ эксперт белгилерининъ орта арифметикалык белгиси коьрсетилинеди.

Тамамлав рейтинги россия экспертлер ямагатынынъ етекшилери мен Россия регионларынъ баьри аькимбасларынынъ сый-абырайынынъ косылма белгиси болады.

«Тарумовский район» МО администрациясынынъ аькимбасы Александр Васильевич Зиминди тувганлы 60 йыллыгы ман

Сыйлы Александр Васильевич!

Сиз етекшилейтаган районынъыз бизге коьптен энъ ювык конъысы болган, бизи мен ер япсарларын боьлисетаган районлардынъ бириси. Сол себептен сизинъ яхшылыгынъыз – бизим де яхшылыгымыз, кайгынъыз – бизим де кайгымыз. Аьлиги енъил тувыл заманларда район етекшиси уьшин приоритетли борышларды шешуьв, яшавшылардынъ яшав онъайлыгын арттырув, экономикады оьрлентуьв эм район еринде тийисли йорыкты тутув айлак та маьнели. Сизинъ йогары кеспи аьзирлигинъиз, билиминъиз, илгери ымтылувынъыз, ис сулыбынъыз тек сизинъ ис йолдасларынъыз эм тенълеринъиз тувыл, ама район яшавшылары арасында Сизге сенимди беркитеди.

Сизге, сыйлы Александр Васильевич, алдынъызга салган планларынъыздынъ толганын, соравларынъыздынъ шешилгенин, таьвесилмес кайратлыкты, яшавга суьйимликти, илгери абытларды йораймыз. Сизге берк ден савлык, уьстинликлер, онъ берекет, эмишлик болсын!

М.Аджеков,

«Ногайский район» МО

аькимбасы.

Р.Насыров,

«Ногайский район» МР

Депутатлар йыйынынынъ председатели.

60 йыллык мерекенъиз бен байланыста Сизге бизим энъ де ийги йылы кутлавларымызды каратамыз.

Ердеги аьдем яшавы – ол тез оьтетатаган кыска, ама коьп эстеликли оьзгерислерге толган оьмир. Сизинъ яшавынъызда да коьп уьйкен эм кишкей уьстинликлер, оькиниш эм кайгы, куваныш эм куьез аз болмаган. Сиз солардынъ баьриси уьшин яваплы эм оьктемли.

Тарумов район буьгуьнлерде республикада тегис кепте оьрленуьвге йол алып турган районлар санында. Ол зат, бир соьзсиз де, Сизинъ куьшинъиз, талабынъыз эм акылынъыз бан байланыслы. Сизинъ етекшилигинъиз бен районда онынъ ямагат-политикалык эм социал-экономикалык аьллерин ийгилендируьв, маьселелерди шешуьв бойынша куьн сайынлык уьйкен куллык юритиледи.

Сизге, оьрметли Александр Васильевич, бизим шоьл газетамызга язылув шагында тийисли эс беруьвиниъиз эм бириншилер санында язылувынъыз уьшин уьйкен разылык билдиремиз!

Буьгуьнлерде биз Сизди акылбалык эм яваплы, аьдемлер мен тил табатаган, коьп маьселелерди шешетаган етекши деп таныймыз. Сиз бир заман да

сенимликти, каьмбилликти эм шыдамлыкты йойманъыз, а йылларынъыз эндиги де ярык, наьсипли, эстеликли оьзгерислерге толы болсын!

Сизге эндиги де коьп йыллар оьмирди, берк савлыкты, онъыслы берекетти, оьнерли аьрекетти, уьйкен ис уьстинликлерди эм илгери оьрленуьвди йораймыз!

«Шоьл тавысы» республикалык газетасы.

Аьлиги заманда «Россия Федерациясында гражданларды социаллык яктан аьжетсизлев негизи акында» Федераллык Законынынъ (28.12.2013 й. №442) 23.1 статьясына коьре, социаллык яктан аьжетсизлев бойынша организациялар ман буйымлардынъ сапатына бойсынмайтаган баа беруьв – ямагат тергевдинъ бир кеби. Бу тергев буйым алувшыларга билдируьв этуьв, буйымлардынъ сапатын ийгилендируьв ниет пен этилинеди.

Социаллык буйымлар беретаган организациялардынъ аьрекетининъ сапатына бойсынмайтаган баа беруьвдинъ ортаклыклары бар. Солардынъ ишинде – социаллык аьжетсизлев организация акында ашык билдируьв, буйымларды заманында алув, организация куллыкшыларынынъ халк пан ийги этип соьйлев, оларды тынълав болув, керекли билдируьвди беруьв.

Социаллык буйымлар беретаган организациялардынъ аьрекетининъ сапатына бойсынмайтаган баа беруьв заманда Дагестан Республикасынынъ яшавшыларын социаллык буйымлар ман аьжетсизлейтаган организациялар акында ашык билдируьв кулланады.

Социаллык буйымлар беретаган организациялардынъ аьрекетининъ сапатына бойсынмайтаган баа беруьвди уйгынлав уьшин ямагат организациялар ман бирге ямагат совет туьзилген. Ямагат совети мен Дагестан Республикасынынъ яшавшыларын социаллык буйымлар ман аьжетсизлейтаган организациялардынъ аьрекетине бойысынмайтаган баа берилеек списогы белгиленген, олардынъ акында керекли билдируьв йыйнамага уьшин организацияга борыш салынган (тоьменде - оператор).

Оператор ман патшалык керексинуьвлерди аьжетсизлев буйымлар, куллыклар, товарлар алув тармагында контракт салув акында законодательствосына коьре, патшалык контракт туьзиледи. Аьжетсизлев сапатына бойсынмайтаган баа беруьвге яваплы Дагестан Республикасынынъ «Сакатлар савлайроссиялык ямагаты»организациясы болады. Энъ де ийги организацияга ДР ис министерствосынынъ кубогы берилеек. Билдируьвлер ДР ис министерствосынынъ официальли сайтында. солай ок ГМУ сайтында салынаяк.

Яшавшыларды социаллык буйымлар ман аьжетсизлев орталыгы