Келеяткан янъы 2017-нши йыл Отлы (кызыл) Кораздынъ (Тавык йылы) деп саналады. Олай дегени, ямагат ишинде туьрленислер анъсыздан эм тез болмаяклар. Йылдынъ басында Кораз сабыр эм парахатлы болар, тек язлыктан алып ол оьзининъ куйрыгын коьтерип, оьктемли кепте иелик суьрип баслаяк. Завыклы эм ойсыз Маймылдан сонъ ога яшавдынъ баьри тармакларын да оьз йорыгына келтирмеге туьсеек. Яз якынлаганда, Кораз баьримизге де анъсыздан савгалар береек эм оьзининъ аьлемет хасиети мен бизди тамашага калдыраяк.

2017-нши йыл баьримиз де ис орынларымызда эм бизнесте янъы бийиклевлерге етисуьв уьшин коьп куллык этпеге керекпиз. Коьп кызыклы кенъеслер, контрактлар эм илгери караган ислер алдымызга шыгаяклар. Энъ маьнелиси, бир якка да алгасаманъыз, янъылыслар этпес уьшин эм етимислер сокпагына шыгув уьшин оьз абытларынъызды аьруьв кепте ойлап алып юринъиз.

Отлы Кораз тасада ясырынып болмайды, ол ямагатты бек суьеди. Ол биревге де бойсынмайтаганларга эм оьз келбетин туьрлентпеге суьетаганларга коьмек этеди. Кораз Яшавда туьзилген йорыклар бойынша яшамага суьймейди, ол оьз ишки давысы ога кайтип айтса, соьйтип яшайды.

2017-нши йыл баьри де аьдемлерге акыл эм яратувшылык аьрекети мен каьр шекпеге йол ашады. Ондай аьрекет акыллы Коразга ярайды. Сол себептен сиз бу белгиленген тармакларда оьзинъизди коьрсетинъиз, сав йыл узагы данък та, акша да, уьстинлик те сизинъ алал йолдасларынъызга айланар.

Акша ягыннан Кораз сав 2017-нши йыл узагында онъайлы аьллер туьзилеегин билдиреди. Сиз, элбетте, миллиардер болмаска да эм алтын-куьмис толы казна таппаска да боласыз, ама йыл бойынша аш-яланъаш, ярлы болып калмаяксыз яде борышка кирмеексиз. Отлы Кораз дайым да косымша куллык таппага, келиминъизди оьстирмеге ярдам берер. Аьр бир затка маьне беруьвши эм аьр кимге яхшылык йоравшы Кораз баьри де зодиак белгилерин коьмексиз калдырмаяк. Ол урсысларды эм давласувларды ушатпайды, сонынъ уьшин 2017-нши йыл – сизинъ йылынъыз болса, бир де кыйналманъыз. Сиз эгер эринмесенъиз, кышкырыспасанъыз эм куьн астындагы оьз орынынъызды айлак та табан салып яклап олтырмасанъыз, уьстинлик сизинъ колларынъызга оьзи келер.

РФ Ис министерствосы келеяткан янъы 2017-нши йылда элимиз байрам куьнлеринде не шаклы заман тыншаймага болатаганын белгилеген.

«Россия яшавшыларын келеяткан янъы йыл байрамында 9 куьнлик таркавлар куьтеди. Солай ок февраль, май, июнь эм ноябрь айларында да 3-4 куьнлик тыншаюв куьнлери болаяк», – деген РФ Ис министри Максим Топилин.

Соны ман, 2017-нши йылда биз байрамлар ман байланыста 6 кайта тыншаяякпыз. Олай дегени, быйылдынъ 31-нши декабриннен янъы йылдынъ 9-ншы январине дейим (9-ы ис куьни), 23-26-ншы февраль, 29-ншы апрель – 1-нши май, 6-9-ншы май, 10-12-нши июнь, 4-6-ншы ноябрь куьнлеринде. Тек 8-нши мартта бир куьн тыншаюв куьни болаяк, неге десе байрам юма ортасына келеди.

Янъыларда «Единая Россия» партиясынынъ Генераллык Советининъ Президиумы партиядынъ Регионлар ара координационлык советлерин (МКС) уйгынлавды тамамлады.

«Единая Россия» партиясынынъ МКС-ы партиядынъ регионаллык боьликлерининъ пайдалы кепте куллык этуьвине олардынъ аьрекетин координациялав, агитация-пропагандист исти уйгынлав, кадрлар соравлары бойынша кенъеслерди аьзирлев, партиядынъ курылыс соравларын шешуьвде, солай ок солардынъ Россия Федерациясынынъ субъектлерининъ патшалык власть эм ерли самоуправление органлары ман биргелесип аьрекет этуьвине коьмек этпеге деген ниет пен курылган.

Регионлар ара координационлык советининъ бириси партиядынъ Дагестан, Шешен, Ингушетия, Сырт Осетия-Алания, Кабарты-Балкар, Карашай-Шеркеш эм Адыгея республикаларынынъ регионаллык боьликлери мен куллык юритеек. «Единая Россия» партиясынынъ Генераллык Советининъ Президиумы партиядынъ бу МКС-ининъ етекшиси этип РФ Федераллык Йыйынынынъ Государстволык Думасынынъ депутаты Зураб Макиевти, онынъ орынбасары этип бизим республикадан Государстволык Думасына депутат Юрий Левицкийди беркиткен.

ДР Ногай районынынъ 100- ден артык билимлендируьв учреждениелерининъ окувшылары Россия Федерациясынынъ Конституция куьнине багысланып «Белая ладья» деген шахмат ойыны бойынша турниринде ортакшылык эттилер.

Шара Ногай районынынъ Терекли-Мектеб авыл саьбийлер уьшин яратувшылык уьйинде озгарылды. Спорт ярысынынъ уйгынлавшылары «Яслык» деген яслар орталыгы эм районнынъ билимлендируьв боьлиги эдилер. Турнирдинъ мырады ийги мектеб куьбин белгилев, мектеб яслар арасында шахмат ойынын таралтув эди.

Ярыс район администрациядынъ билимлендируьв боьлигининъ методисти Б.Бекмурзаевтинъ етекшилеви мен оьтти. Район аькимбасы атыннан Сафар-Али Сарсеев баьри катнасувшыларды да Конституция куьни мен кутлады. Канасувшыларга ол аьдиллик пен куьресуьвди, енъуьвлерди, етимислерди йорады.

Шахмат бойынша турниринде шашка, шахмат ойынларын суьювшиси, Ногай районынынъ саьбийлер уьшин яратувшылык уьйининъ шахмат ойыны бойынша кружок етекшиси А.Шавалиев, ДЮСШ-2 етекшиси Т.Елакаев тоьрешилер болдылар. Турнир катнасувшылары 1-4-нши класслары, 5-8-нши класслары, 9-10-ншы класслары ясы бойынша уьш катламына боьлинген эдилер. Кызыклы ойыннынъ тамамы бойынша биринши орынга Бораншы авыл орта мектеби, экинши орынга Терекли-Мектеб авыл Джанибеков атындагы орта мектеби, уьшинши орынга Ленин авыл орта мектеби тийисли этилдилер.

Енъуьвшилерге кубоклар, Сый грамоталары, медальлер тапшырылды. Суьвретте:ярыс катнасувшылары.

2016-ншы йылдынъ 10-ншы декабрь айында РФ Конституция куьнин байрамшылавы бойынша «Яслык» Яслар орталыгы акция уйгынлап озгарды.

Гражданлык баславларын, яваплыкты оьрлендируьв, ыхтыярлык маданият сулыпларын алув, патшалык законларын тутувынынъ маьнелиги акында ойларын кеплендируьв акциядынъ бас мырадлары эди. «Яслык» деген яслар орталыгы Кадрия атындагы орта мектебининъ волонтерлары ман бирге буклетларды да таралттылар. Йыйылганлардынъ баьрисин де байрам ман кутладылар.

Акциядынъ сонъында баьри катнасувшылар да Россияды оьрлендируьв уьшин шынты демократия принциплерине алаллыкты саклайтаганы акында белгиледилер.

Суьвретте: шара катнасувшылары.

Более ста детей Ногайского района 12 декабря приняли участие в турнире по шахматам «Белая ладья» среди учащихся общеобразовательных учреждений, приуроченном ко Дню Конституции Российской Федерации,
                                                                          
Мероприятие прошло на базе детского дома творчества села Терекли-Мектеб Ногайского района. Организаторами спортивных состязаний выступили молодежный центр «Яслык» совместно с отделом образования района.

Директор молодежного центра «Яслык» Ногайского района Сафар-Али Сарсеев отметил, что целью турнира являлось определение лучшей школьной команды и популяризация шахмат среди школьников района. Общее руководство проведением соревнования осуществлял отдел образования администрации района в лице методиста Байрамали Бекмурзаева.

Сафар-Али Сарсеев поздравил всех присутствующих с Днем конституции, пожелал им удачи, красивых побед и честной борьбы. «Я желаю участникам повышать свое мастерство в этом виде спорта, который, как и многие другие, служит коллективному объединению, а также популяризации шахмат как средства интеллектуального и гармоничного развития», – заявил он.

Шахматный турнир судили большой любитель игры в шахматы и шашки, руководитель кружка по шахматам детского дома творчества Ногайского района Аскер Шавалиев и тренер ДЮСШ-2 Тимур Елакаев.

Участники были распределены по трем возрастным категориям – это 1-4 классы, 5-8 классы, 9-11 классы. По итогам увлекательных и захватывающих игр первое командное место завоевала школа им. К.Б. Оразбаева села Боранчи. Второе место получила  школа им. Джанибекова села Терекли-Мектеб. Третье место досталось Ленинаульской школе.

Победители награждены кубками, Почетными грамотами и медалями.