Бу йылдынъ декабрь айынынъ сонъында Ногай ясларынынъ союзы ман «Бала нуры» деген акциясы озгарылды. Яслар союзынынъ агзалары Егорьевский балалар уьйинде экинши кере конакта болдылар. Сондагы саьбийлердинъ юреклери ийги сезимлерге толды. Оларга тоьгеректегилердинъ эс беруьви бек маьнели эди. Яслар ойын программасында, миллет мастер классларында белсенли ортакшылык эттилер. Белсенли катнасувшыларына эстеликли савгалар да берилди. Бараяктан алдын балалар уьйининъ етекшилеви мен етим саьбийлердинъ керексинуьвлери акында соьйленген эди. Яны авырыган аьдемлердинъ ярдамласувы ман саьбийлерге деп азыклар, кинога билетлер, аяк астына тоьселмелер сатылып алынды. Етим саьбийлерге деп таьтли сыпыра да туьзилди.

Саваплык акциясында Карашай-Шеркеш республикасыннан, Турциядан, Казахстаннан, Янъы-Уренгойдан, Москвадан ногайлар ортакшылык эттилер. Коьп ерлерде пайдалы, маьнели ислерди яшавга шыгарувы демевлик табатаганы бек суьйиндиреди. Келеектегиде де биргелес аьрекети уьзилмеегине сенимликти йоймаймыз.

Бирликте бизим куьшимиз!

Суьвретте:Ногай яслар союзынынъ агзалары етим саьбийлер уьйинде конакта.

Кеспилик байрам алдында аьр бир коллективте ис сырагылары келтириледи эм ийги куллыкшылардынъ атлары айтыладылар.

Декабрь айдынъ 22-нши куьнинде энергетик куллыкшылары оьзлерининъ кеспилик байрамын белгиледилер. Бизим Ногай РЭС етекшиси оьзининъ ис йолдасларына уьлги этип, бу айтылатаган тармакта 35 йылларга ювык заман куллык этип келетаган, Небиулла Бийгазиевич Кадилов акында айтады.

Небиулла ис аьрекетин 1982-нши йылда электромонтер болып баслаган, сонъ ис йыллары ишинде ерли электромастер де болып куллык этпеге туьсти. Небиулла Бийгазиевич бу куьнлерде биринши категориялы инженер болып ислейди. Ол кайсы ис орынында да оьз борышларын белсенли, сапатлы этип толтырып келетаган аьдем.

- Небиулла биз ислейтаган тармактынъ баьри ис сырларын билетаган аьдем, ол билгенин де аямай, яс йолдасларга арымай-талмай анълатып, оьз сулыбы ман боьлисип те келеди, оьзининъ касиети мен ис йолдаслар арасында оьрметти казанган, -дейди онынъ акында РЭС етекшиси.

Небиулла оьзи Махачкаладагы политехникалык окув отанын окып битирген. Соннан бери ол ис орынын авыстырмай, аьлиги тармакта ислеп келеди. Солай болганда, биз Небиулладай аьдемлерге – оьз еринде, ис орынын ярасыклап келген аьдем деп айтпага боламыз.

Г.Курганова.

Суьвретте: Н.Кадилов.

Йылдынъ ызгы, аязлы куьнлерининъ бирисинде, декабрь айынынъ 22-нде РЭС куллыкшылары кеспилик байрамын белгилейдилер. Олардынъ куллыгынынъ бас борышы – халкты электроярык пан канагатлав.

РЭС коллективин бир неше йыллар узагында Курманбай Кадырович Сабутов уьстинликли етекшилеп келеди. Онынъ кол астында 40 аьдем, биз йогарыда келтирген, енъил болмаган куллыкты бажарып келедилер. Олар Терекли-Мектеб, Карагас, Червленые-Буруны, Куьнбатар ерлериндеги участокларды электроярык пан канагатлав уьстинде аьрекет этедилер. Курманбай Кадыровичтинъ билдируьвине коьре, оьтип баратаган йыл енъиллерден тувыл эди, элдеги кризис аьли олардынъ ис коллективинде де оьз ызын салмай болмады. 10 аьдемди куллыктан тайдырмага туьскен. Солардынъ йоклыгы да куллыкта бек сезиледи. Баска калган куллыкшылардынъ аьрекетине аьрекет косылып, авыр болады. Боьтен де, кешки шакларда кыйынлыкларга йолыгадылар. Ама сулыплы куллыкшылардынъ куьш салувлары ман кыйын аьллерден шыгадылар.

- Кайтип кыйын болса да, бизим ийги куллыкшылар район яшавшыларына ярык берееклер,- дейди Курманбай Сабутов.

Ол оьзининъ ис коллективи акында тек ийги соьзлер айтады эм оларга Янъы йылда сонъгы йоравларды да айтады:

«Алдымыздагы йылда ис йолдасларымызга ден савлыкты, белсенли аьрекетти, аьел наьсибин йорайман. Ясларга коьп йыллар исин бардырып келетаган Небиулла Кадыловтан, Болат Валиевтен эм сондай баскалардан коьрим алып, билмегенди сондай сулыплы аьдемлерден сорап, кеспи бойынша оьскенди эм ясы уьйкенлерге сыйды сагынаман. Янъы кораз йылы сизинъ аьр биринъизге тек ийгилик аькелсин!»

Солай ок, Курманбай Кадырович Сабутов ис йолдасларын кеспилик байрам ман да кутлайды, а район яшавшыларына – аьр бирисининъ уьйиндеги электроярык саьвле берип янганын йорайды.

Г.Сагиндикова.

Суьвретте: К.Сабутов.

Яс спортсменлеримиздинъ бу куьнлерде етискен уьстинликлери бизим коьнъилимизди коьтереди. Спорттынъ бокс кебинде оьзининъ енъуьви мен оьткен йылдынъ ишинде яс йолдасымыз Рашид Янгазиев белгили болды. Онынъ енъуьвине баьримиз де суьйинген эдик. Бу оьтип баратаган йыл да Рашид Янгазиевке эстеликли болып оьтеди. Бу йыл ол декабрь айынынъ баслапкы куьнлеринде Санкт- Петербург каласында оьткен бокс бойынша Россия Кубогына базласта катнасып, Россиядынъ энъ куьшли боксерлары араларында биринши орынга тийисли болды. Бу базласта ол Ханты-Мансийский автономлы округты яклап, бес куьресте катнасты эм солардынъ баьрисинде де уьстинликке етисти. Бу куьнлерде Рашид Янгазиев Россиядынъ бокс бойынша йыйылма командасынынъ сыраларына кирген. Эндиги келеек йылда ол Россия элин дуныя чемпионатында яклаяк. Сонда да ол уьстинликлерге етисип, бизди суьйинтеегине шек йок. Аьли ол яслар сырасында болып, ярысларда катнасады, ама Рашидте 2020-ншы йылда болаяк язгы Олимпиялык ойынларда катнаспага мырсатлар бар.

Рашид Янгазиев бек талаплы яслар саныннан. Ол оьзининъ спорт карьерасын Терекли- Мектебтинъ ДЮСШ-сында баслаган эди. Рашид бокстынъ сырларына биринши болып, тренери Н.Шангереевтен уьйренген. Ол онынъ кол астында усталыкка уьйренген, сонъ Хасавюрт каласыннан тренер У.Висханов Рашидтинъ сулыбын оьстируьв уьстинде иследи. Аьли болса, талаплы спортсмен Ханты-Мансийсктеги олимпиалык резервли спорт школасында алдышы спорт мастерлерининъ кол астында сулыбын оьстиреди. Ол бир неше кере профессионаллар арасында бокс бойынша дуныя чемпионы Руслан Проводников пан йолыгысып, спарринглер(куьрес) озгарган.

Буьгуьнлерде Рашидтинъ мырсатлары аз тувыл, онынъ йоллары да ашык. Ол савлайроссиялык масштабта талаплы спортсменлер арасында. Рашид оьзининъ баьри куьшин аямай кулланып, алдыга ымтылысын йоймаса, келеекте бизим халкымыздынъ олимпиалык чемпионы бар деп айтпага боламыз.

Суьйинемиз онынъ бу куьнлердеги уьстинликлерине биз - онынъ таныслары, савлай, онынъ бар амалларын коьрген, Ногай районынынъ ДЮСШ тренерлери.

Рашид, биз сенинъ атынъ Олимпиа чемпионатында катнаскан, енъген спортсменлер сыраларында болаягына ынанамыз.

Г.Сагиндикова.

Суьвретте: Р.Янгазиев.

Власти Дагестана планируют строительство нового тоннеля под Атлыбинским перевалом, сообщил руководитель агентства по дорожному хозяйству республики Загид Хучбаров в пятницу.

"Строительство нового тоннеля планируется под Атлыбинским перевалом (Буйнакский перевал). За счет него девятикилометровая протяженность участка дороги по серпантинам по маршруту Махачкала - Буйнакск будет доведена до 3,8 км, а время прохождения сократится с нынешних 20 до 2,5минут", - сказал З.Хучбаров.

По его словам, учитывая среднесуточную интенсивность движения автотранспорта (более 6 тыс. автомобилей), будет достигнут и значительный экономический эффект.

Варианты строительства тоннеля, его технико-экономические показатели и другие инженерные особенности обсуждены в ходе встречи с представителем проектно-изыскательского института АО "Ленгидропроект" Вадимом Петровым.

"Строительство тоннеля, как один из важных проектов, планируется провести по федеральным госпрограммам для получения дополнительных финансовых средств из федерального бюджета", - сказал З.Хучбаров, и добавил, что проект будет представлен на экспертизу в Москву в августе 2017 года.

Учитель русского языка и литературы школы им. Кадрии села Терекли-Мектеб Ногайского района Альфира Мурзагишиева 13 декабря стала победителем зонального этапа Всероссийского конкурса «Учитель года – 2017».

Победив на муниципальном этапе конкурса, Альфира Мурзагишиева достойно представила Ногайский район на зональном этапе, пройдя 2 тура конкурса в Зубутли-Миатлинской школе Кизилюртовского района.

Первый тур «Педагогическая мастерская», где она рассказала про свой опыт работы педагогом, план дальнейшей работы и свою педагогическую концепцию в целом и на втором туре «Мастер-класс» педагог дала открытый урок «Неравный брак».

По словам начальника отдела образования Ногайского района Кайтархан Отегеновой, на всех этапах конкурсанты проявили  методическую и теоретическую подготовку, глубокие знания предмета и самое главное – любовь к профессии и детям. «На первом этапе жюри оценило состояние и качество представленных материалов. Второй этап – мастер-класс, в ходе которого учителя вели открытые уроки.  Здесь конкурсантам необходимо было достойно выходить из конфликтной ситуации, часто встречающейся в коллективе. Тема урока Мурзагишиевой “Неравный брак” очень актуальна для дагестанского менталитета. Педагог смогла подробно проанализировать особенности неравного брака, выявить все плюсы и минусы. Учитель донесла до всех основную цель мероприятия, по итогам которого были сделаны соответствующие выводы. Мурзагишиева использовала современные методики педагогической деятельности, применила информационно-коммуникативные технологии, необходимые на уроке», – заметила она. 

Творческого полета, замечательных учеников и новых профессиональных побед пожелал победительнице конкурса начальник Управления образования Кизилюртовского района Рустам Татарханов, он  от имени главы района Магомеда Шабанова поздравил Альфиру Мурзагишиеву и вручил ей кубок, цветы, Почетную грамоту и ценный подарок. На прощание прозвучала песня «Учителями славится Россия».